Job 1:21 - Cofán: Chiga Tevaen'jen

²¹ su: —Chu'cco gi va andenga isuye. Toya'caen pa'ta gi chu'cco jaya. Na'suyi tsu pa'ccoma ñanga afe. Toya'caen Na'suyi tsu ñama itsa. ¡Ñoa'me ñotssia tsu Na'su Chigaja!

Job 1:21 ပူးပေါင်းရင်းမြစ်များ

Génesis 3:19

Poipa'sui'ccu quian'me semamba qui que cui'ccuma cu'i'faya. Nane papa queve ñoña'cho andeve ccase daya'ngae qui tsa'caen vana'jeña. Nane andema ñoña'chopa qui ccase andeve daya.

Génesis 30:2

Tsa'caen susi Jacobja tisema iyicca'yepa su: —¿Ñanda ti gi Chiga? Tsa tsu quemajan tsa'caen du'shu me'cco canseye antte.

Génesis 45:5

Tsa'ma chigáne ñoquimbi'fajama ni tisupama iyicca'ye'fajama ñama chavaen'chone. Nane Chiga Quitsa tsu ñama manda que'ima o'tie vani jipa que'ima ccushaeñe.

1 Reyes 12:15

Na'su Chiga tsa'caen anttesi tsu na'su Roboamjan aindeccu su'choma in'jambi, cuintsu Na'su Chiga tayoe Jeroboamnga suqquia'caen somboye. Nane tayo tsu Chiga aya'fama afa'su Ahías tsa'caen Jeroboamnga conda, tsa Silo canqque'su Nabat dutssi'yenga.

Job 1:11

Tsa'ma tise'bema itsaye'ta tsu quema afaseya.

Job 2:10

Tsa'ma Jobja su: —Pushesu, ¡sumbia'caen afajama! Ñotssiama Chiga afesi avujatsse isu'ta, ¿jongoesie gi egama'qque isuya? Tsa'caen vana'jen'an'qque Jobja ni aya'fai'ccuyi'qque egae tsincombi.

Job 9:12

Tise jongoesuma itsa'ni'qque ¿ma'caen gi tisema se'piya? Nane oshambi gi tisema iñajampañañe “¿micon'jen qui?”

Salmos 34:1

Pa'cco a'ta Na'su Chigama ñotsse afapa gi anttembe'yi ña aya'fai'ccu tise ñotssiama condaya.

Salmos 34:2

Injama'choni Na'suve in'jamba gi dyombi'tsse tisene afa'je. ¡Vanasundeccu, ña su'choma pañamba avujatssi'faja!

Salmos 49:17

Nane tise pa'ta jongoesuma angaye oshambi'ni ñotssiama ande chango atu'ttini an'biañe oshaya'bi.

Amós 3:6

Gera'su tsonjen'cho canqqueni jen'ninda tsu aindeccuja tayo dyopa ttun'dundu'je'fa. Tsa'ma canqquenga jongoesu egave tson'jen'da Na'su mandasi tsu tsa'caen tson'jen.

Mateo 20:15

Corifin'dija ñambesi ¿oshambi ti gi ña in'janqquia'caen tsama afeye? Tsambi'ta ña ñotsse afesi ¿aqquia ti qui injama'choni cca'ima se'pi?”

Tson'fa'cho 4:28

Tise'paja tsa'caen tsomba tsu que tayo in'jamba antteqquia'caen tson'fa.

Efeso'su 5:20

Tise osha'choma ñotsse afesi Tisema ñotsse afa'faja. Ingi Na'su Jesucristove in'jamba poi a'ta tsu Chiga Quitsama ñotsse afa'faya'cho.

1 Tesalónica'su 5:18

Ma'caen que'inga da'ni'qque avujatsse Chiganga afa'faja. Que'i tsa'caen tson'faye tsu Chigaja in'jan que'ija Jesucristombesi.

1 Timoteoga 6:7

Tseyi isusi gi jongoesuma i'fambi va andenga. Ni papa gi jongoesuma angaye osha'fambi.

Santiago 1:17

Osha'cho ñotssia, osha'cho shaca mechoe inginga afe'chota tsu sefaccone, Chiga Quitsa afe'cho. Nane Chiga Quitsaja coejechiga, cose'suchiga, o'fema'qque sefacconi chanjuñe agattoensi agattoen'choja cambianqque'su. Tsa'ma Chigaja minga'ni'qque cambiambi.

Santiago 5:11

A'ija vana'jemba toya opatsse canse'ta tsu avuja'faya qquen gi asi'ttaen. ¿Paña'fambi ti qui tayopi'su Jobne condase'choma? Nane Jobja vana'jemba anttembe'yi Na'su Chigave in'jamba opatsse canse. Tsa'caen cansesi Na'su Chigaja jai'ngae tisema ñoa'me ñotsse tson. Na'su Chigaja tsa'caen mende'yepa a'ima ñoa'me ñotsse in'jan.

Rut 1:21

Osha'chove an'biamba vane sombopa gi tsene'jan va'chave dapa toequi ji. ¿Jongoesie qui ñama su'fa ‘Noemí’? Nane Na'su Osha'choma Oshacho'cho Chiga tsu ñama chi'gapa vanae.

1 Samuel 3:18

Tsa'caen susi Samuelja pa'tssi Chiga su'choma tisenga conda. Condasesi Elíja su: —¡Chiga tsu Na'su! ¡Ma'caen tise in'janqquia'caen tson'jenjan!