Job 1:1 - Cofán: Chiga Tevaen'jen

¹ Uz andeni tsu fae a'i, Job, qquen inisecho'choja can'jen. Tsa a'ija egae tsincombe'yi ñotsse canse. Nane dyoe'sui'ccuyi tsu ñotsse Chigave in'jan. Toya'caen faesuma egae tsincoñe in'jambi.

Job 1:1 ပူးပေါင်းရင်းမြစ်များ

Génesis 10:23

Aram dutssiyendeccu tsu Uz, Hul, Geter toya'caen Mas.

Génesis 17:1

Tsomba Abram noventa y nueve canqque'fave an'bian'ni Na'su Chigaja tisenga attiamba su: —Ña gi Chiga Osha'choma Oshacho'cho. Ña in'janqquia'caen shacave me'cho canseja.

Génesis 22:12

Tsonsi sefacconi'su shondo'suja se'pipa su: —Du'shuma pporaenjama. Ja'ño gi atesu que Chigave ñotsse in'jan'choma. Nane Chigama pañamba qui que du'shu fae'ccoama se'pimbi ñanga afe'je.

Génesis 36:28

Disán dutssiyendeccu tsu Uz toya'caen Arán.

Génesis 42:18

Tres a'ta pasasi tise'pama su: —Ñajan Chiga Quitsave in'jamba gi tisema dyojo. Qquen tson'faja ña que'ima ccushaeñe:

Génesis 6:9

Va tsu Noéne condase'cho: Noéjan ño'an a'isi poiyi'cco tise cansuite'su aindeccu'suma tise'veyi tsu Chigaja in'jan. Nane tiseja Chigama ñotsse pañamba canse.

Job 1:8

Tsonsi Na'suja tisema su: —¿Attembi ti qui ñama shondo'su Jobma? Faesu tisia'can'me me'i'on tsu. Nane tiseja ñama in'jamba ñama shondo'supa egae tsincombe'yi ñotsse canse. Ni faesuma'qque egae tsincombi. Nane faesu a'ija tsa'caen canse'fambi.

Job 2:3

Tsonsi Na'suja tisema su: —¿Attembi ti qui ñama shondo'su Jobma? Faesu tisia'can'me me'i'on tsu. Nane tiseja ñama in'jamba ñama shondo'supa egae tsincombe'yi ñotsse canse. Ni faesuma'qque egae tsincombi. Nane faesu a'ija tsa'caen canse'fambi. Toya'caen que ñama iñajamba pa'cco tise an'bian'cho, tise du'shuma injanga itsa'ni'qque toya tsu tiseja egae tsincombi.

Job 4:6

Queja ñotsse tsomba ñoa'me Chigama pañamba shondo'suta ¿mingapa qui tise've in'jamba opatsse cansembi?

Job 9:21

Ña egae tsombichoa'ja ¿jongoesune tsu bare? Nane tisuma gi chi'ga.

Proverbios 3:7

Tisuja ñoa'me injama'pa qquen in'janjama. Tsa'ma Na'suve in'jamba pañamba osha'cho ega'ye joqquitssija.

Lucas 1:6

Tsendeccuja Chigave in'jamba ño'a'fa. Pa'cco Chiga manda'choma ñotsse pañamba shaca mecho canse'fa.

Santiago 5:11

A'ija vana'jemba toya opatsse canse'ta tsu avuja'faya qquen gi asi'ttaen. ¿Paña'fambi ti qui tayopi'su Jobne condase'choma? Nane Jobja vana'jemba anttembe'yi Na'su Chigave in'jamba opatsse canse. Tsa'caen cansesi Na'su Chigaja jai'ngae tisema ñoa'me ñotsse tson. Na'su Chigaja tsa'caen mende'yepa a'ima ñoa'me ñotsse in'jan.

1 Pedro 3:11

Egama anttepa tsu ñotsse tsoña'cho. Opatsse can'jeñe in'jamba tsu tsa'caen tsoña'cho.