Jeremías 9:23 - Cofán: Chiga Tevaen'jen

²³ Na'su Chigaja su: “Injama'papa osha'choma atesu qquen in'jamba quinsepoen'fajama. Ni quin'an a'ija tisu quin'amba quinsepoen'fajama. Ni ricoja tisu an'bian'choi'ccu quinsepoen'fajama.

Jeremías 9:23 ပူးပေါင်းရင်းမြစ်များ

Salmos 34:3

Fae'ngae ñai'ccu Na'suma ñotsse afa'faja. Ñoa'me ti'tsse'tssi tsu tise iniseja.

Proverbios 3:5

Pa'cco que injama'choi'ccu Na'suma ñotsse in'jamba tise've ronda'jeja. Tsa'ma tisu injama'cho asi'ttaemba in'jan'choma antteja.

Jeremías 31:34

Nane tayoe a'ija tisupapora atesian'fa. Quindya tsu tise quinshinma nafattian cuintsu Na'su Chigave in'jañe. Tsa'ma tsequi a'ta poiyi'cco pañamba ñame in'jansi majameñi'qque atesiañe me'i'on tsu. Nasundeccu, utu'ccoandeqquia'qque tsu ñame in'jan'faya. Nane tise'pama mende'yepa gi tise'pa egae tsincon'choma agattoya'bi. Tise'pa shacama gi aqque'paya. Ña, Na'su Chiga gi que'inga conda.”

Daniel 3:15

¿In'jan'fambi ti qui ma'caen osha'cho jenqque'suma jeña'fasi junde ña mandasi corima ñoña'chonga ccarupa tsanga iñajaña'choma? Tsa'caen tsombi'ta qui ja'ñoñi oshacho'choma oque'jeye ñoñaccu'su si'nge anchanda'je'chonga ttova caniange'faya. Tsonsita ¿Jongoesu chiga tsu que'ima ccushaen'me'se?

Daniel 4:37

“Ja'ñojan ña Nabucodonosor gi sefacconi'su Na'suve in'jamba tise ñotssianga iñajan'jen. Nane pa'cco tise tson'cho tsu ñoa'metsse tson'cho; tansintsse tson'cho tsu. Toya'caen tsu osha ‘ñajan ti'tsse'tssi gi’ qquen in'jan'chondeccuma vanaemba ñombi'yeañe.”

Marcos 10:24

Tsa'caen susi tisema shondosundeccuja asi'ttaemba can'boen'fa. Tsa'ma Jesúsja ccase su: —Dusutssi'pa, majan tise an'bian'choma panshaen in'jan'da ñoa'me aiye'pa tsu tiseja Chiga a'ive daye.

Romanos 1:22

“Ña gi injama'pa” qquen su'a'qque ñoa'me sumbie tsu da'fa.

1 Corinto'su 1:31

Tsa'caen tsu Chiga Tevaen'jen su: “Majan ñoa'me quinsepoeñe in'jan'da tisu Na'suve in'jan'choi'ccu tsu quinsepoeña'cho.”

Filipo'su 3:10

In'jan gi Jesúsma atesuye. Tiseja papa ccase qquendya'pa osha'choma oshacho. In'jan gi tise ñama tsa'caen quiñaensi ña'qque tisia'caen vana'jemba tisia'caen dapa va andeni jincho'chone paye.

Filipo'su 3:8

Cristo Jesús ña Na'suve in'jañe osha'chone ñoa'me'qque ti'tsse'tssia tsu. Cristove in'jamba gi osha'cho tisu tayoe ti'tsse'tsse tsincon'choma ja'ñojan chi'ga. Nane ñoa'me pa'tssi ña quinsepoen'choma'qque gi tayo cati. Tayo cati'cho tsu, qquen gi in'jan Cristoma ganaqquia'caen

1 Timoteoga 6:10

Nane panshaen corifin'dive in'jan'chone osha'cho egae in'jan'cho tsu somboya. Majan a'i corifin'dive ñoa'me in'jamba tise'pa Cristove in'jan'choma cati'fa. Cristoma catipa tisu injama'cho tsosipie iñaccaqquia'caen ñoa'me vana'jen'fa.

1 Samuel 17:42

Filisteoja Davidma attepa ñoa'me chu'a me'deccopa toya cujujutssi qquen in'jamba aqquia cofe'je qquen in'jamba