Jeremías 7:14 - Cofán: Chiga Tevaen'jen

¹⁴ Que'i tsa'caen tsincon'chone gi Silo'su ñama cachuicco'je'ttima nepianqquia'caen va ja'ño'su ñame in'jan'cho ettima'qque nepiaña. Ñajan va ettima que'i tayopisundeccu'yenga afepa que'inga'qque afesi que'ija tsa etti faesundeccu patsusa'ne que'ima coira'je qquen in'jan'fa.

Jeremías 7:14 ပူးပေါင်းရင်းမြစ်များ

2 Reyes 25:9

Chiga ettima oque cati. Toya'caen tsu na'su etti, poi tsa'o, majan rande, majan chipirima'qque oque cati.

Salmos 78:60

Catipa Siloni tise a'i'ccu can'jen'tti'ye sombo. Nane aindeccu Na'suma iñajan'jen'tti'su carpa tsa'o'ye sombo.

Jeremías 26:18

“Judá na'su Ezequías mandaite Na'su Chigaja Moreset canqque'su Miqueasma afafaensi tsu Judá aindeccunga qquen su: ‘Na'su Osha'choma Oshacho'choja qquen su: Zión canqquema nasipama'caen dyan'dyaya. Jerusalén'qque tsu catifo'cho boñame daya. Toya'caen Chiga etti'su ccotta'cco tsu ega shoshoviccuve daya.’

Jeremías 26:4

Ña, Na'su gi, qquen su'choma tise'panga condaja: ‘Ñama pañambipa ni ña manda'choma tsombipa

Jeremías 7:10

Tsa'caen tsomba qui va ña ettinga ji'fa ñame tta'ttaye. Dyombi'tsse vani ji'jeye qquen qui in'jan'fa. Nane tsa'caen ña in'jambi'choa've tsincomba toya dyombi'tsse ji'jeye qquen qui in'jan'fa.

Jeremías 7:12

Silo canqqueni japa ña me'ttia'ye a'i'ccu can'jemba cachuicco'je'ttive tta'tta'faja. Tta'ttapa qui in'jan'faya ña Israel aindeccu egae tsinconsi iyicca'yepa tsama nepian'choma.

Jeremías 7:4

Tsa'ma qquen afopoensundeccuma paña'fajama: ¡Vani tsu Na'su Chiga etti! ¡Majañi'qque ingima patsuye osha'fambi! ¡Vani tsu Na'su Chiga etti!