Jeremías 32:37 - Cofán: Chiga Tevaen'jen

³⁷ Tayoe va aindeccuma iyicca'yepa chi'gapa poi faesu andeni shequian mañamba gi tise'pama tsa'ye ttu'sepa ccase va tise'pa can'jen'cho andengayi boñaña. Vani tsu opatsse canse'faya.

Jeremías 32:37 ပူးပေါင်းရင်းမြစ်များ

Salmos 106:47

¡Na'su, ingi Chiga, ingima ccushaenjan! ¡Ingi cca'tti, cca'tti can'jen'cho ande'ye ingima ttu'sepa boña'jan cuintsu ingi'qque que ñotssia inisema ñotsse afa'faye!

Jeremías 23:3

Mapán que'i ña ovejandeccuma faesu andeni tteya maña'fa'ni'qque gi enttinge jinchoma ccase ipa boñamba antteya cuintsu tise'pa potreroni can'jemba atapa'faye.

Jeremías 23:6

Tise manda'je'ni judándeccuja ccusha'faya. Nane israendeccuja opatsse canse'faya. Qquen qui tisema afa'faya: ‘Na'su ingima ccushaen'su qui.’ ”

Jeremías 23:8

Tsa'ma qquen qui su'faya'cho: ‘Na'su Chiga Israel dutssiyendeccuma norte'su ande'ye, faesu tteya maña'cho ande'ye'qque somboen'su canse'ninda tansintsse su'cho tsu.’ Nane tsequi a'ta qui tisupa an'biaña'cho andeni can'jen'faya.”

Jeremías 29:14

Ju, que'i ñama attesi gi que'ima ccushaemba que'i tayoe an'bian'choma'qque toequi que'inga afeya. Poiyi'cco attufaen'cho ande'ye, poi faesu aindeccu'ye gi que'ima ttu'sepa toequi iya va que'ima toya joqquitssiambi'te can'jen'cho andeni. Ña, Na'su Chiga gi que'inga conda.’ ”

Jeremías 33:16

Nane tsequi a'ta Judá aindeccu ccushasi Jerusalénisundeccu'qque opatsse canse'faya. Tsomba tsu tsa canqquema ‘Na'su ingima ccushaen'cho’ qquen inisian'faya.

Oseas 1:11

Tsequi a'ta tsu judándeccuma israendeccui'ccu fa'enga setsama'caen fae a'ive da'faya. Toya'caen fae na'su tsu tise'pama manda'jeya. Nane tsequi a'ta Jezreel joccapitssia've dasi tsu poiyi'cco ccase Jerusaléni bo'faya.