Jeremías 31:35 - Cofán: Chiga Tevaen'jen

³⁵ Na'su Chigaja coejechigave ñoña a'tama atian'suve. Toya'caen cose'suchiga, o'feve'qque ñoña cosema atian'suve. Marni'su shave'pama'qque jangian cuintsu quian'me zonzoeñe. Nane Osha'choma Oshacho'cho Na'su tsa'caen ñoña'suja qquen su:

Jeremías 31:35 ပူးပေါင်းရင်းမြစ်များ

Salmos 106:9

Na'suja Cu'a marma iyu'upa samboen tise'pa a'i menia santsse jaqquia'caen santsseyi isiañe.

Salmos 78:13

marma'qque samboemba manda cuintsu israendeccu tsangae panshañe. Nane pavefani, tansinfani, mar tsa'ccu ttuqquia'caen ccutsu'ni panshan'fa.

Salmos 89:2

Tsangae que ingima ñotsse in'jansi sefacco cambiambiqquia'caen que tansintsse su'cho'qque cambian'masia. Tsane gi a'tatsse condaya.

Jeremías 33:20

“Ña, Na'su gi su: Ña, coejechiga, cose'suchigama mandapa cambiambiqquia'caen gi ña Davidi'ccu fae'ngae injancco'fa'choma'qque cambiañe oshambi. Nane coejechiga coseve chanjuña'bi ni cose'suchiga a'tave chanjuña'bi. Toya'caen David dutssi'ye mandaya qquen su'chosi tsu tsa'caen manda'jeya. Leví dutssiyendeccu'qque ñanga afe'choma afe'jeya qquen su'chosi tsu tsa'caen afe'je'faya.”

Mateo 5:45

Tsa'caen tsomba qui ñoa'me Chigama na'sian'cho dushundeccuve da'faya. Nane Chigaja se'pimbe'yi tsu coejechigama manda cuintsu egandeqquianga ño'andeccunga'qque chanjuñe. Unjima'qque se'pimbe'yi tsu manda ño'a tsonsundeccumbe nasipanga tuiye. Egae tsinconsundeccumbe nasipanga'qque tuiye tsu manda.