Jeremías 31:16 - Cofán: Chiga Tevaen'jen

¹⁶ Tsa'ma toya'caen Na'suja qquen su: “Raquel, ti'tsse i'najama. Ja'ño que inanzaccuma samboenjan. Nane que dushundeccu enemigo andene ji'fasi que ñotssiama isusi tsu que vana'jen'choja pasaya. Ña, Na'su Chiga gi que'inga conda.

Jeremías 31:16 ပူးပေါင်းရင်းမြစ်များ

Génesis 43:31

I'na'choma vuiquipa tisu camba'juma ovashipa sombopa manda: “¡Anqque'suma ccutsian'faja añe!”

Génesis 45:1

Majan tisema shondosundeccu tseni can'jen'fasi Joséja ti'tsse injama'choni osha'chove a'tuye oshambipa quian'me fundo: “¡Poiyi'cco va'ttie sombo'faja!” Tsa'caen tteya moesi poiyi'cco tisema shondosundeccu me'i'en ja'fasi Joséja tise antiandeccunga tisuma attian.

Isaías 40:10

Na'su Chigaja Oshachoma Oshachopa ja'ño tsu ji. Nane Tise tivei'ccu tsu oshachoma patsu'je. Jipa tsu tise afepoeña'choma i, ño'anga ñotssiama afepa eganga egama afeye.

Jeremías 23:3

Mapán que'i ña ovejandeccuma faesu andeni tteya maña'fa'ni'qque gi enttinge jinchoma ccase ipa boñamba antteya cuintsu tise'pa potreroni can'jemba atapa'faye.

Jeremías 29:14

Ju, que'i ñama attesi gi que'ima ccushaemba que'i tayoe an'bian'choma'qque toequi que'inga afeya. Poiyi'cco attufaen'cho ande'ye, poi faesu aindeccu'ye gi que'ima ttu'sepa toequi iya va que'ima toya joqquitssiambi'te can'jen'cho andeni. Ña, Na'su Chiga gi que'inga conda.’ ”

Oseas 1:11

Tsequi a'ta tsu judándeccuma israendeccui'ccu fa'enga setsama'caen fae a'ive da'faya. Toya'caen fae na'su tsu tise'pama manda'jeya. Nane tsequi a'ta Jezreel joccapitssia've dasi tsu poiyi'cco ccase Jerusaléni bo'faya.

1 Tesalónica'su 4:14

Ingija Jesús papa ccase qquendya'chove in'jamba gi in'jan'fa Chigaja tsa'caen Jesúsve in'jamba pa'chondeccuma'qque ccase qquendyaemba fae'ngae Jesúsi'ccu iya.

Hebreo'su 11:6

Nane Chigave in'jambian'da ¿ma'caen tsu Chigaja tisei'ccu avujatssiya? Chigama iñajañe in'jan'da o'tie tsu Tise jincho've in'jamba atesu'faya'cho. A'i Chigave ttatta'je'ninda Chigaja tsendeccuma ñotsse tsoña. Tsama'qque tsu atesuya'cho Chigama iñajañe in'jan'da.

Hebreo'su 6:10

Nane Chiga Quitsaja egambi tsu. Aqque'paya'bi tsu que'i Tise've in'jamba cca'ima fuite'je'choma. Que'ija tayo Tise aindeccuma in'jamba fuitepa toya qui tsa'caen tson'jen'fa.

Rut 2:12

Que tsa'caen tsomba Na'su israe'su Chiganga jipa tise coira'je'choni ño'faqquia'caen can'jen'ninda cuintsu tise antteja quenga ñotsse afepa tsoña'chove.