Jeremías 29:14 - Cofán: Chiga Tevaen'jen

¹⁴ Ju, que'i ñama attesi gi que'ima ccushaemba que'i tayoe an'bian'choma'qque toequi que'inga afeya. Poiyi'cco attufaen'cho ande'ye, poi faesu aindeccu'ye gi que'ima ttu'sepa toequi iya va que'ima toya joqquitssiambi'te can'jen'cho andeni. Ña, Na'su Chiga gi que'inga conda.’ ”

Jeremías 29:14 ပူးပေါင်းရင်းမြစ်များ

Salmos 32:6

Tsa'cansi tsu poiyi'cco Chigave in'jan'chondeccu quema iñajaña'cho. Nane que can'jensi atteye osha'ta tsu iñajaña'cho maqui a'ta vana'jen'cho ji'ni'qque opatsse can'jeñe.

Isaías 55:6

“Toya tisema atteye osha'ta Na'suve tta'tta'faja. Toya pporotsse tise can'jen'ninda tisema ttu'se'faja.

Jeremías 31:16

Tsa'ma toya'caen Na'suja qquen su: “Raquel, ti'tsse i'najama. Ja'ño que inanzaccuma samboenjan. Nane que dushundeccu enemigo andene ji'fasi que ñotssiama isusi tsu que vana'jen'choja pasaya. Ña, Na'su Chiga gi que'inga conda.

Jeremías 31:17

Jai'ngae ñotsse tsoña'chove ronda'jeja. Que dushundeccuta tsu ccase que andeni ji'faya. Ña, Na'su Chiga gi que'inga conda.”

Romanos 10:20

Toya'caen omboe cca'tti Isaías tevaen'jenga Chigaja su: Ñame tta'ttambindeqquia tsu Ñama atte'fa. Ñame iñajampañambindeqquianga gi Ñajan Tisuma canjaen.

Deuteronomio 30:1

“Ñajan que'inga conda osha'cho ñotssia toya'caen osha'cho egae da'choma cuintsu que'i majame in'jan'da tsama tson'faye. Na'su que'i Chiga faesu andeni que'ima shequian mañasi can'jen'da qui tsane asi'ttaen'faya.

Deuteronomio 30:3

tsu Na'su que'i Chiga que'ima mende'yepa ñotssiama ccase que'inga afeya. Poi andeni tise que'ima shequian maña'cho ande'ye tsu que'ima ttu'sepa boñaña.

Deuteronomio 30:5

Que'i tayopisundeccu'ye can'jen'cho andeni isi qui ccase tseni can'jen'faya. Ccase tseni can'jensi tsu Na'suja que'ima ñotsse tsomba que'i tayopisundeccu'yema ti'tsse'tsse atapoeña.