Jeremías 29:13 - Cofán: Chiga Tevaen'jen

¹³ Ñame tta'ttapa qui ñama atte'faya. Nane pa'cco injama'choi'ccu in'jamba tta'tta'ta qui tsa'caen atte'faya.

Jeremías 29:13 ပူးပေါင်းရင်းမြစ်များ

2 Reyes 23:3

Omboe na'suja Chiga etti'su chan'jime dyaiña'cho jini jangi ccutsupa Na'su Chigai'ccu injancco'fa'chove afa. Nane Na'su Chigama pañamba anttembe'yi tsa'caen cansepa pa'cco tise injama'choi'ccu, pa'cco in'jan'choi'ccu tsa'caen tsoñe afa. Pa'cco Chiga Tevaen'jen mandaqquia'caen tsoñe qquen susi poi aindeccu'qque tsa'caeñi injancco'fa'chove afa'fa. Tsonsi na'su Josías mandasi Chigama afasundeccuja osha'cho faesu Baal toya'caen Asera chigandeccu jincho'cho, poi ñoña'cho chigandeccuma'qque Chiga etti'ye joqquitssipa ju'ru sefaen. Poiyi'cco tsesu chigandeccuma afasundeccuma fitti'tti. Osha'cho cca'tti cca'tti ccutsu'cho poi canqquenga faesu chigandeccuma iñajan'jen'ttima'qque osuipa sefaen. Toya'caen tayopi'su Israel na'su Jeroboam ñoña'cho Chiganga oque oraen'jen'choma asi'ttapa dañomba sefaen. Tsa'caen andema giyaeñe nanisi toequi Jerusaléni japa can'jen.

Salmos 32:6

Tsa'cansi tsu poiyi'cco Chigave in'jan'chondeccu quema iñajaña'cho. Nane que can'jensi atteye osha'ta tsu iñajaña'cho maqui a'ta vana'jen'cho ji'ni'qque opatsse can'jeñe.

Salmos 91:15

Ñama iñajansi gi pañamba afaya. ¡Nane ña gi tisei'ccu can'jeña! Tise injama'choma gi vuiquiaña cuintsu opatsse can'jeñe. Toya'caen gi tisema ñotssiave tsoña.

Oseas 5:15

“Tisu can'jeni japa gi ronda'jeya tsendeccu tise'pa egae tsincon'choma in'jamba toequi shandapa ñama tta'ttaya'ngae. ¡Nane ñoa'me vana'jemba tsu ñama tta'tta'faya!”

Joel 2:12

Na'suta tsu tansintsse conda: “Ja'ño tisu injama'choma ñoñamba toequi ñani ji'faja. ¡Ambe'yi ina'jemba ñombi'yepa fundo'faja!”

Mateo 7:7

Iñajan'da qui isu'faya. Ttatta'ta qui atte'faya. Sombo'ttima tssai jeña'ninda na'su tsu fettaya.

Tson'fa'cho 8:36

Tsa'caen condasepa tsaiquingae jayipa singu'ccuma atte'fa. Attepa onocoja su: —Va'tti tsu singu'ccuja jin. ¿Ñama fetiye'ta ti ñotssi?