Jeremías 26:15 - Cofán: Chiga Tevaen'jen

¹⁵ Toya'caen vama ñotsse in'jan'faja: Ñama fi'tti'ta qui que'i toya'caen poiyi'cco va canqque'su aindeccu shacapa'faya. Nane egae tsincombi'choama fi'ttipa qui tsa'caen shacapa'faya. Ñoa'me Na'su Chiga ñanga afafaemba moesi gi a'tatssia've que'inga osha'cho va Na'su su'choma conda.”

Jeremías 26:15 ပူးပေါင်းရင်းမြစ်များ

Génesis 4:10

Tsonsi Na'su Chigaja su: —¿Jongoesie qui tsa'caen tson? Que quinshimbe anjampa tsu andenga tssamba ñama fundopa ttu'se ccane'qque quema fi'ttiye.

Génesis 42:22

Tsonsi Rubénjan su: —Tayo gi ñajan su tsa du'shuma dañombe can'faye. Tsa'ma que'ija ña su'choma paña'fambi. Tsa'cansi ja'ño tsu tise pa'chone ingi'qque vana'faya'cho.

2 Reyes 24:4

Toya'caen Manasés'yeja Jerusaléni tsain'bitssi egae tsincombindeqquiama injanga fitti'tti'chone tsu Chigaja iyicca'yepa tsa'caen tson. Ñoa'me tsu Na'su Chigaja Judá egae tsincon'choma ti'tsse aqque'paye in'jambi.

Jeremías 26:12

Tsonsi Jeremíasja nasundeccu, poi aindeccunga qquen su: “Ñoa'me tsu Na'su Chiga ñama moe tise su'choma afaye. Nane tise mandasi gi va canqque, va Chiga ettine'qque conda que'i pañaqquia'caen.

Jeremías 7:6

Yaya mama pa'cho dushundeccumbema, tsandupajen'chondeccumbema, que'i'ccu can'jen'cho faesu andesundeccumbema'qque itsaye noñangian'fajama. Va ettini aqquia: Vaja egae tsincon, qquen afopoen'fajama tisema fi'ttiañe in'jamba. Ti'tsse faesu chigandeccuma iñajan'fajama tsa'caen tsomba Na'su que'i Chigama catipa ti'tsse tisuma dañosa'ne.

Mateo 26:25

Tsonsi Judas, Jesúsma afeya'choja su: —Atesian'su, ¿ñambi ti gi? Jesúsja su: —Ju, que qui.

Mateo 26:4

Na'su tsaofa'su atandundunga bopa ma'caen a'tutsse Jesúsma indipa fi'ttiya'chove condasecco'fa.

Tson'fa'cho 7:60

Qquen supa ccaru dyaipa quia'me fundopa afa: —¡Na'su va fi'ttisundeccunga shacama anttejama! Qquen supa tsu pa.

Canjaen'cho 16:6

Tsa'ma va andesundeccuja Que aindeccuma, Quema afasundeccuma'qque fi'tti'fa. Nane tise'pa anjampama tssañamba fi'tti'fa. Tsa'cansi Queja ccane'qque tise'panga anjampama cui'ña. Tise'pa tsa'caen tson'chone tsa'caen vanañe ñotssi tsu.