Jeremías 23:6 - Cofán: Chiga Tevaen'jen

⁶ Tise manda'je'ni judándeccuja ccusha'faya. Nane israendeccuja opatsse canse'faya. Qquen qui tisema afa'faya: ‘Na'su ingima ccushaen'su qui.’ ”

Jeremías 23:6 ပူးပေါင်းရင်းမြစ်များ

Éxodo 9:26

Mapán tsa'caen da'je'ni'qque israendeccu can'jen'cho Gosén andenijan ni fae tsandapandaquiyi'qque amppimbi.

Isaías 42:6

“Ña, Na'su gi quema ttu'sepa que tivema indipa fendeya cuintsu queja ccushaen'suve daye. Quema gi coiraya cuintsu queja ña aindeccui'ccu injancco'choma canjaemba cca'indeccuma'qque chanjienqquia'caen in'jaeñe.

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Jeremías 29:11

Injan'jen gi ña que'inga ma'caen tsoñe in'jan'choma. Nane egave me'chopa ñotsse tsoña'chove tsu, cuintsu que'i ñotsse cansepa avujatsse jai'ngae ñotsse tsoña'chove ronda'je'faye. Ña, Na'su Chiga gi que'inga conda.

Jeremías 32:37

Tayoe va aindeccuma iyicca'yepa chi'gapa poi faesu andeni shequian mañamba gi tise'pama tsa'ye ttu'sepa ccase va tise'pa can'jen'cho andengayi boñaña. Vani tsu opatsse canse'faya.

Jeremías 33:15

Tsequi a'ta nepisi gi David omba'su dutssi'yema ande na'suve ccutsiaña. Tiseja ñotsse in'jamba ñotssiaveyi tsomba tansintssia'veyi mandaya.

Jeremías 33:16

Nane tsequi a'ta Judá aindeccu ccushasi Jerusalénisundeccu'qque opatsse canse'faya. Tsomba tsu tsa canqquema ‘Na'su ingima ccushaen'cho’ qquen inisian'faya.

Oseas 1:11

Tsequi a'ta tsu judándeccuma israendeccui'ccu fa'enga setsama'caen fae a'ive da'faya. Toya'caen fae na'su tsu tise'pama manda'jeya. Nane tsequi a'ta Jezreel joccapitssia've dasi tsu poiyi'cco ccase Jerusaléni bo'faya.

Oseas 1:7

Tsa'ma judándeccuma gi mendeyepa ña, Na'su, que'i Chiga tise'pama ccushaeña. Gerai'ccu tise'pama ccushaeña'bi gi ni battittianccu ni matichi, ni cavayo ni cavayo'su sundarondeccui'ccu ccushaeña'bi gi. Tsa'ma tisutsse gi ccushaeña.”

Oseas 2:18

Tsequi a'ta gi tsampini jacanqque'sui'ccu injancco'faya'chove tsoña cuintsu antte'faye israendeccu tise'pai'ccu opatsse canse'faye. Nane sefani jacanqque'su, andeni manguqque'sui'ccu tsa'caen injancco'faya'chove gi tsoña. Toya'caen gi sundaro battittianccu, matichima'qque itsapa gerama se'piya cuintsu israendeccu ppimppintsse ana'jen'faye.

Romanos 3:22

Chigaja antte cuintsu poiyi'cco a'i majan Jesucristove in'jan'da ño'ame da'faye. Poiyi'cco tsu fae'ngae tsa'caeñi ccusha'fa.

1 Corinto'su 1:30

Chigaja que'ima qquendyaensi qui Cristo Jesúsi'ccu fae'ngae jincho'fa. Chiga mandasi Cristoja ingima injaen'jen. Tiseja ño'amba tsu ingija ño'a'fa qquen su. Tiseja tisumbe ingima ttu'sepa ccushaen.

2 Corinto'su 5:21

Nane Jesucristoja egae tsincombi. Tsa'ma Chigaja ingi egae tsincon'choma Jesúsnga antte. Tsa'caen anttesi Jesúsja tisu ñotssiama inginga antte. Chiga tsa'caen in'jansi gi Chigambe ño'andeccuve da'fa.

Filipo'su 3:9

tisei'ccu fae'ngae jinchoye. Ñajan ñotssiave daye in'jamba Chiga manda'cho mandaqquia'caen tsombi tisuyi tsa'caen napipa Jesúsi'ccu jinchoye. Tsa'ma Cristove in'jansi Chigaja aqquia afeqquia'caen ñama ñotssiave tson. Nane tise've in'jamba ño'ame da'cho tsu.