Jeremías 23:2 - Cofán: Chiga Tevaen'jen

² Na'su Israel Chiga tsu tise aindeccuma mandasundeccunga qquen conda: “Que'ija ña ovejandeccuma ñotsse coirambipa qui injanga shequian maña'fa. Tsa'caen ña aindeccuma egae tson'chone gi que'i injama'choma'qque somboeña. Ña, Na'su Chiga gi que'inga conda.

Jeremías 23:2 ပူးပေါင်းရင်းမြစ်များ

Éxodo 32:34

Tsa'cansi japa aindeccuma angaja ña su'cho andeni. Ñama shondo'su tsu que'ima angaya. Tsa'ma maqui tise'pama vanaeña'cho a'ta nepisi gi tise'pa egae tsincon'chone vanaeña.

Miqueas 7:4

Tise'pa'su bove ñotssiaja nojan'can tsu. Ti'tsse joccapitssia'qque ataccuma bove ega tsu. Tsa'ma que'ima coira'su Chiga aya'fama afasundeccu suqquia'caen tsu tsane afepoeña'cho a'ta nepiya. Tsequi a'ta tsendeccuja injamambie dapa qque'faya.

Mateo 25:36

Sarupave mechosi qui ñanga ondiqquian'fa. Pajisi qui ñama coirapa se'je'fa. Ñama indipa picco'je'ttinga piccosi qui dyombi'tsse ñama can'su ji'fa.”

Mateo 25:43

Antian mechosi qui tsa'o sombo'ttima picco ña ca'nisa'ne. Sarupave mechosi qui ondiccu'jema afe'fambi. Pajipa, tsambi'ta picco'je'ttini can'jensi qui ñama chi'gapa coira'fambi.”

Santiago 1:27

Qquen tsu Chiga Quitsaja in'jan a'i ñoa'me ñotsse afopoembi'choa Chiga a'ive dapa tsoña'chove: yayamendeqquia'ma fuiteya'cho; tsandupajen'chondeccu vana'jen'choma'qque fuiteya'cho; tisuma coiraya'cho va ande'su egae in'jan'choma tsonsa'ne.