Jeremías 23:1 - Cofán: Chiga Tevaen'jen

¹ Na'su Chigaja tansintsse conda: “¡Va'cha tsu ña aindeccuma manda'su nasundeccu! Nane ega ovejama coirasundeqquia'caen a'ima ñotsse coirambipa injanga tise'pama qqueñamba shequian maña'fa.”

Jeremías 23:1 ပူးပေါင်းရင်းမြစ်များ

Jeremías 23:2

Na'su Israel Chiga tsu tise aindeccuma mandasundeccunga qquen conda: “Que'ija ña ovejandeccuma ñotsse coirambipa qui injanga shequian maña'fa. Tsa'caen ña aindeccuma egae tson'chone gi que'i injama'choma'qque somboeña. Ña, Na'su Chiga gi que'inga conda.

Mateo 15:14

Tsa'cansi fariseondeccu iyicca'ye'choma in'jan'fajama. Nane tise'paja binindeqquia'caen atesumbipa faesu atesumbi'chondeqquiama atesian qquen tson'fa. Fae bini faesu binima fendepa angacan'da poiyi'cco tsu fae'ngae ande changonga amppi'faya.

Mateo 9:36

Aindeccuja bo'fasi Jesús attepa tise'pama mende'ye. Nane oveja coira'suve mechoqquia'caen injanga ñoquimbicco jacan'fa.

Juan 10:10

Ccanambaja cca'nañe, fi'ttiye dañoñe tsu jiya. Tsa'ma ñanda gi ji cuintsu ña a'i canse'faye –cuintsu ñoa'me avuja'tsse canse'faye.

Juan 10:12

Tsa'ma aqquia corifin'dima ganañe coira'suta tsu ttesi jiñasi atte'ta ovejama catipa ccuyin jaya. Na'su coira'sumbipa oveja tise'bembisi tsa'caen ccuyaya. Tsonsi ttesija ovejama indipa dyoña shequian moeña.

Juan 10:8

Poiyi'cco ñama o'tie ji'chondeccuta tsu ccanambandeccu, a'tutsse ccana'jendeccu. Tsa'ma ovejandeccu tise'pama paña'fambi.