Jeremías 19:4 - Cofán: Chiga Tevaen'jen

⁴ Nane israendeccu ñama catipa va sinjunccuma faesu andema'caen tson'fasi gi tsa'caen dañoña. Ja'ño va'ttinga tsu ñome'bama faesu chigandeccunga oque oraen'fa. Nane tise'pa ni tise'pa tayopisundeccu'ye ni Judá'su nasundeccu tsa chigandeccuma tayoe atesu'fambi. Toya'caen vani tsu tsain'bitssia egae tsincombindeqquiama fittitti'fa.

Jeremías 19:4 ပူးပေါင်းရင်းမြစ်များ

2 Reyes 24:4

Toya'caen Manasés'yeja Jerusaléni tsain'bitssi egae tsincombindeqquiama injanga fitti'tti'chone tsu Chigaja iyicca'yepa tsa'caen tson. Ñoa'me tsu Na'su Chigaja Judá egae tsincon'choma ti'tsse aqque'paye in'jambi.

Salmos 106:38

Egave me'chondeqquia'be anjampama tssaña'fa. Tise'pa dutssiyendeccu, onquengendeccumbe anjampama tssañamba Canaán ande'su chigandeccunga afesi tsendeccumbe anjampaja pa'cco tsa andema dañomba egave tson.

Isaías 59:7

Que'i tsu'tte'ta tsu bare egae tsincon'chonga buttopa jaye, toya'caen quian'me japa egae tsincombi'choma fi'ttiye. Que'i injama'choni'qque egae in'jan'choyi on'ba'osi qui mani jacan'an'qque osha'choma dañomba vanae'fa.

Jeremías 26:15

Toya'caen vama ñotsse in'jan'faja: Ñama fi'tti'ta qui que'i toya'caen poiyi'cco va canqque'su aindeccu shacapa'faya. Nane egae tsincombi'choama fi'ttipa qui tsa'caen shacapa'faya. Ñoa'me Na'su Chiga ñanga afafaemba moesi gi a'tatssia've que'inga osha'cho va Na'su su'choma conda.”

Jeremías 7:6

Yaya mama pa'cho dushundeccumbema, tsandupajen'chondeccumbema, que'i'ccu can'jen'cho faesu andesundeccumbema'qque itsaye noñangian'fajama. Va ettini aqquia: Vaja egae tsincon, qquen afopoen'fajama tisema fi'ttiañe in'jamba. Ti'tsse faesu chigandeccuma iñajan'fajama tsa'caen tsomba Na'su que'i Chigama catipa ti'tsse tisuma dañosa'ne.

Jeremías 7:9

Nane que'ija cca'na'fa; fi'tti'fa; faesumbe pushei'ccu can'jen'fa; tansintssi qquen supa qui afopoen'fa; ñome'bama qui Baalnga oque oraen'fa; poi tisu atesumbindeqquia chigandeccuma'qque qui iñajan'fa.

Lucas 11:50

Nane Chiga suqquia'caen a'ija tsa'caen ande agattointe ashaemba Chiga Aya'fama afasundeccuma fittitti'fa. Nane Chigaja tsendeccu shacane'qque tsu va ja'ño'su aindeccuma iñajaña.

Deuteronomio 28:64

Joqquitssiamba tsu Na'suja que'ima shequian mañaña poi faesu andenga, sefacco já ccutsuni. Tseni can'jemba qui faesu chigandeccuma iñajan'faya. Nane que'i ni que'i tayopisundeccu'ye atesumbi'choa quini'cco toya'caen patuma ñoña'cho chigandeccuma qui iñajan'faya.”

Canjaen'cho 16:6

Tsa'ma va andesundeccuja Que aindeccuma, Quema afasundeccuma'qque fi'tti'fa. Nane tise'pa anjampama tssañamba fi'tti'fa. Tsa'cansi Queja ccane'qque tise'panga anjampama cui'ña. Tise'pa tsa'caen tson'chone tsa'caen vanañe ñotssi tsu.