Isaías 9:6 - Cofán: Chiga Tevaen'jen

⁶ Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Isaías 9:6 ပူးပေါင်းရင်းမြစ်များ

1 Reyes 10:9

¡Ñoa'me ñotssia tsu Na'su que Chigaja! ¡Quema tsu ñotsse in'jamba ccutsian Israel na'suve tsoñe! Nane Na'su Chiga tsu Israel aindeccuma tsangae ñotsse in'jamba quema tise'pa na'suve ccutsian. Tsa'caen tsu quema tson que injama'choi'ccu tansintsse in'jamba tise'pama ñotsse mandaye.”

Salmos 45:6

¡Que qui Chiga! Tsangae joccapitssia Na'suve dapa qui manda'je. Quiníccopave dapa qui ñotsse tansintsse manda'je.

Salmos 45:7

Ñotssiaveyi in'jamba qui egama chi'ga. Tsa'cansi Chiga Quitsa, que Chigaja, quema aseitei'ccu fetipa na'suve ccutsiansi qui queja poiyi'cco nasundeccuma ti'tsse avujatssi.

Isaías 10:21

Nane mapán re'ricco Jacob aindeccu'su Patsuye'masia Chigave in'jan'an'qque tsu tisenga toequi ji'faya.

Isaías 11:5

Ñotsse manda'cho, tansintsse su'cho'qque tise ondiccu'je'caen fae'ngae tisei'ccu jincho'fa mani jacan'ni'qque.

Isaías 53:10

Nane Na'suja in'jamba tsu tisema dañomba vanae. Egae tsincon'chone afe'chove tisema tson'ni'qque can'jemba jai'ngae tise dutssiyendeccuma atteya. Nane Na'suja tisei'ccu tisu in'jan'choma ñotsse nanitsse tsoña.

Isaías 53:2

Nane Na'suja in'jan cuintsu tisema shondo'su jonqquia'caen santssia ande'ye sho'yoye. Ñotsse attiambi ingi tise've in'jan'faye. Ñotssimbi ingi tisenga catse'faye.

Isaías 53:5

Tsa'ma ingi pañambipa in'jangae tsincomba gi tisema quiqquian'fa. Ingi egae tsincon'chone tsu tisema vanae. Tsa'caen tise vana'jensi ingija opatsse canse'fa. Ma'ppisi tise iñacca'cho tsu ingima ccushaen.

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Mateo 1:1

Qquen tsu Jesucristo tayopi'su antiandeccu. Tiseja tayopi'su David omba'su dutssi'ye tsu. Tayopi'su Abram omba'su dutssi'ye tsu.

Mateo 1:23

Toya tsandiei'ccu cansembi'choa pushesu tsu surie dapa tsandie du'shuve isuya. Du'shumbe iniseja Emanuelya tsu. Chiga ingi'ccu can'jen, qquen tsu suye in'jan.

Mateo 11:27

Jesús Chigama iñajan nanimba aindeccunga su: —Tayo tsu ña Yaya osha'choma ñanga afe. Ni fae a'iyi'qque ñama atesu'fambisi Chiga Quitsayi tsu ñama atesu. Ñajan Tise Dutssi'ye. Toya'caen ni fae a'iyi'qque Chiga Quitsama atesu'fambisi ñañi gi Tisema atesu. Tiseja ña yaya tsu. Toya'caen ñajan Chiga Dutssi'yepa gi majama in'jamba ña condase'nijan tsendeccu'qque Chiga Quitsama atesu'fa.

Mateo 28:18

Tsonsi Jesús tise'panga catsepa su: —Chiga Quitsa tsu ñanga antte pa'cco Chiga sefacconima, pa'cco andenima'qque mandaye.

Lucas 1:35

Tsa'ma Chigama sefacconi'su shondo'suja su: —Chigaja osha'choma joccapitssiapa osha'choma oshacho. Chiga Qquendya'pa quenga ca'nisi Joccapitssia Chigaja quema oppoeña. Tsa'caen oppoensi que du'shuja ñoa'me egave mechosi tsu Chiga Dutssi'ye qquen su'faya.

Lucas 2:11

Ja'ño a'ta tsu David canqqueni que'ima ccushaen'suve isu. Tsaja Na'su Cristo tsu.

Lucas 2:14

Sefacconi'su Chigaja ñoa'me ñotssia tsu. Va ande'su aindeccuma ñotsse in'jamba Chigaja in'jan cuintsu poiyi'cco a'i tisupapora ñotsse in'jamba opatsse canse'faye.

Lucas 21:15

Nane ña gi que'ima in'jaemba afaeña que'i tansintsse afasi cuintsu que'ima noñangiansundeccu ziyaye.

Juan 1:14

Chiga Aya'faja a'ive dapa ingi'ccu can'jen. Tiseja ti'tsse'tssiasi gi atte'fa. Nane Chiga Dutssi'yeyi tsu tsa'caen ti'tsse'tssia. Tiseja osha'cho ñotssiaveyi tsomba tansintssia'veyi conda.

Juan 1:16

Tise ñoa'me osha'cho ñotssiaveyi tsonsi ingija ñotsse isu'fa. Nane isupa gi ti'tsse isu'fa.

Juan 14:27

Ña jayipa gi antte que'i opatsse can'jen'faye. Ñajan injama'choni opatssipa gi tsa'caen que'inga afe'je. Va andesundeccu opatsse can'jeñe qquen suqquia'ca'manda afembi gi. Que'i injama'chone ñombi'ye'fajama. Dyombe can'jen'faja.

Tson'fa'cho 10:36

Chiga Quitsa tsu israendeccunga conda va ñotsse condase'choma ma'caen Jesucristoja a'i injama'choma ñoquian'suve. Tsa Jesúsyi tsu poiyi'ccombe na'su.

Tson'fa'cho 20:28

Tsa'cansi injama'tse tisupa qquesa'ne. Tansintsse atesiamba poiyi'cco Jesúsve in'jamba bo'je'chondeccuma ñotsse coira'faja. Nane Na'su Jesúsja tisu anjampai'ccu tayo tsendeccuma ccushaen. Tsendeccuma tsa'caen ccushaensi Chiga Qquendya'pa que'ima ttu'sepa manda tsendeccuma coira'suve da'faye.

Romanos 8:32

Nane Chiga Quitsaja ingima in'jamba se'pimbe'yi Tise Dutssi'yema afe cuintsu tsaja papa ingima ccushaeñe. Ñoa'me tsu Chigaja Jesucristoi'ccu fae'ngae osha'choma inginga afeya.

Romanos 9:5

Israendeccuja tayopi'su joccapitssia coenzandeccumbe dushundeccu tsu. Tsendeccune tsu Cristoja ji. Nane a'ive dasi israe a'i isu'cho tsu. Cristoja Chiga tsu, osha'choma joccapitssia. Tsangae Tisema ñotsse afa'faja. Tsangaeyi.

1 Corinto'su 1:30

Chigaja que'ima qquendyaensi qui Cristo Jesúsi'ccu fae'ngae jincho'fa. Chiga mandasi Cristoja ingima injaen'jen. Tiseja ño'amba tsu ingija ño'a'fa qquen su. Tiseja tisumbe ingima ttu'sepa ccushaen.

1 Corinto'su 15:25

Cristoja na'suve dapa poiyi'cco tisei'ccu iyiccosundeccuma patsuya'ngae mandaya'cho. Nane ande na'su tisei'ccu iyiccosundeccuma patsupa tsuipa dyaiqquia'caen Cristoja tise'pama tsangae patsuya.

2 Corinto'su 5:19

Nane Chigaja Cristoi'ccu fae'ngae jinchopa Cristoja pa poiyi'cco a'ima tisunga ñoquiañe. Toya'caen aindeccu egae tsincon'cho shacama'qque fi'tti. Va ñoquian'sune condase'choma'qque Chigaja inginga condase cca'indeccunga condase'faye.

Colosa'su 2:3

Cristove in'jamba qui osha'cho ñotssia in'jan'choma, osha'cho Chiga in'janqque'suma'qque atesu'faya.

1 Timoteoga 3:16

Ingi tayoe condambi'choa Chigave in'jan'choja ñoa'me joccapitssia in'jan'cho tsu. Majañi'qque tsama a'tieñe osha'fambi: Chigaja a'ive dapa attian. Chiga Qquendya'pa Tise ño'ama canjaensi sefacconi'su shondosundeccu'qque Tisema attepa shondo'fa. Tisene candusian'fasi israembindeqquia'qque paña'fa. Nane tsa'caen candusian'fasi poi ande'su aindeccu Tise've in'jan'fa. Tiseja sefacconi ansundepa ñoa'me ti'tsse'tssia've dapa can'jen.

Titonga 2:13

Tsa'caen cansepa gi avujatsse ronda'je'faya Na'su jiye su'cho a'ta napiya'ngae. Tsequi a'ta tsu Chiga ingima ccushaen'su Jesucristoja joccapitssia've dapa a'tatsse attiaña.

Hebreo'su 1:8

Tsa'ma Dutssi'yene tsu Chigaja qquen su: Que qui Chiga. Tsangae joccapitssia na'suve dapa qui manda'je. Quini'ccopave dapa qui ñotsse tansintsse manda'je.

Hebreo'su 13:20

Ingija oveja'can'fa gi. Na'su Jesúsja ti'tsse'tssia ingima coira'su tsu. Tise anjampa tssansi tsangae tsu ñoña cuintsu Chiga a'i'ccu cuname fae'ngae injancco'faye. Pasi Chiga Quitsa, opatsse tson'su, tisema ccase qquendyaen. In'jan'fa gi cuintsu Chiga Quitsa

1 Juan 5:20

Toya'caen gi atesu'fa Chiga Dutssi'ye tayo ji'choma. Tsa tsu ingima in'jaen ñoa'me Chigama atesuye. Ingija fae'ngae jincho'fa ñoa'me Chigai'ccu. Toya'caen gi fae'ngae jincho'fa Tise Dutssi'ye Jesuscristoi'ccu. Tsaja ñoa'me Chigayi. Tsai'ccu fae'ngae jincho'ta tsangae canseya'cho tsu.

Canjaen'cho 19:16

Tise omba'su ondiccu'jenga, toya'caen tise ttena'gonga'qque tsu qquen faesu iniseve tevaen'cho: Poi manda'suma Manda'su; Poi na'sumbe Na'su.

Jueces 13:18

Tsa'caen iñajampañasi su: —¿Jongoesie qui ña inisema atesuye in'jan? Tsaja ñoa'me atesu'ma'sia tsu.