Isaías 65:23 - Cofán: Chiga Tevaen'jen

²³ Tise'pa, toya'caen tise'pa omba'su dutssiyendeccu'qque Na'su in'jan'cho aindeccu tsu. Na'su tsa'caen in'jamba ñotsse tsonsi aqquiatsse injanga ñotsse sema'fambi ni tise'pa du'shuma toya chu'ayi paya'chove isu'fambi.

Isaías 65:23 ပူးပေါင်းရင်းမြစ်များ

Génesis 12:2

Quema ñotsse tsomba gi que dutssiyendeccui'ccu ti'tsse'tssi a'ive tsoña. Nane quei'ccu ña poiyi'cco a'ima ñotsse tsonsi tsu poiyi'cco a'i que inisema ñotsse afa'faya.

Génesis 17:7

Ñajan quei'ccu injanccopa gi tsangae que Chigave da. Toya'caen que omba'su dutssiyendeccui'ccu injanccopa gi tsangae tise'pa Chigave daya.

Isaías 55:2

¿Jongoesie qui corifin'dima catipa osha'cho an'masia'ma injanga chava'fa? ¿Jongoesie qui que'i semasi afepoen'choma in'jambe'yi injanga cati'fa? Ñama ñotsse paña'da qui ñotssia anqque'suma amba ya'yatssia'ma'qque avujatsse an'faya.

Levítico 26:20

Aqquiatsse qui vanamba sema'jen'faya. Nane jongoesuve sho'yoya'bi ande'ye ni jongoesuve naña'bi que'i jombachoccu'su quini'cco'ye.”

Malaquías 3:10

Tsa'ma que'i chongayi'cho'cco enttingeve ña etti'su corifin'dima coira'je'ttinga i'faja cuintsu ña tsa'o anqque'sui'ccu on'baye. Ican'faja ña tson'choma atesuye. Ñoa'me gi ventanama fettaqquia'caen sefacco'su osha'cho ñotssiama que'inga tuiñaqquia'caen afeya.

Tson'fa'cho 2:39

Nane Chigaja tayoe que'inga Tise Qquendya'pama afeye tansintsse su. Que'i dushundeccunga'qque afeye su. Ñoa'me poiyi'cco biani can'jensundeccunga'qque afeye tsu su. Nane poiyi'cco majama ingi na'su Chiga in'jamba tsanga tsu Tise qquendya'pama afeye su.

Romanos 4:16

Tsa'caen tsu Chigaja Tise've pañamba in'jan'chondeccunga Tise suqquia'caen ñotssiama afe. Chiga aqquia afe'cho tsu. Poiyi'cco Abraham dushundeccu tsu ñoa'me isu'faya. Aqquia manda'choma pañasundeccuyi isu'faya'bi. Tsa'ma majan Abraham in'janqquia'caen in'jan'chondeccu'qque tsu tsama isu'faya. Tsa'camba tsu Abrahamjan ingi yaya.

1 Corinto'su 15:58

Tsa'cansi, in'jan'cho faengasundeccu, dyombe'yi ta'etsse in'jan'faja. Na'su sema'bama quinsetsse sema'faja. Nane que'ija atesu'fa qui Na'su Cristone semasi Tise que'ima fuitesi qui injanga sema'fambi.

Galacia'su 3:29

Toya'caen que'ija Cristombe a'i'ta ñoa'me qui Abraham dutssiyendeccu. Osha'cho Chiga tise'panga afeya'choma que'i'qque isu'faya.