Isaías 65:2 - Cofán: Chiga Tevaen'jen

² Ñajan a'ima in'jamba pa'cco a'ta tise'pama ttu'se'ni'qque pañambipa ñama iyicca'ye'fa. Tisupa in'jan'choveyi in'jamba injanga ccaningae jaja'fa.”

Isaías 65:2 ပူးပေါင်းရင်းမြစ်များ

Génesis 6:5

Poi ande'su aindeccu egae tsincomba canse'fasi Na'su Chigaja attepa in'jan. Nane aindeccu poi a'ta injama'choni egaveyi asi'ttaemba in'jansi

Salmos 36:4

Nane ana'jen'chonga ccui'a'qque ti'tsse egae tsincoña'choveyi asi'ttaen. Anttembe'yi egae tsincoñe in'jamba ccaningae tsomba ñotsse tsoñe oshambi.

Salmos 36:5

Tsa'ma queja Na'su, sefacconi nepiqquia'caen qui ñotsse in'jamba, tsangae que suqquia'caen tson'jen.

Isaías 1:2

Sefacco, ande'qque Na'su su'choma paña'faja: “Dushundeccuma gi coeña coenzave daya'ngae. Tsa'ma tsendeccuja ñama pañambipa chi'ga'fa.

Isaías 55:7

Egae tsincon'suja tise tson'jen'choma antteya'cho. Egae in'jan'choja tise injama'cho in'jan'choma antteya'cho. Nane Na'sunga toequi shanda'ninda tise tsu me'deyeya. Na'sunga toequi shanda'ninda tise tsu egae tsincon'choma aqque'paeña.

Isaías 55:8

Ña in'jan'choja que'i in'jan'choacambi tsu. Ña tson'cho'qque que'i tson'choacambi tsu.

Mateo 15:19

Nane injama'choi'ccu tsu a'ija egae in'jan'fa. Egae in'jamba tsu fi'tticco'fa. Casara'chondeccu tsu faesui'ccu egae can'se'fa. Injanga tsandie pushesu anttembi'chondeqquia fae'ngae can'se'fa. Nane Cca'na'fa. Afopoen'fa. Afase'fa.

Mateo 23:37

¡Jerusalén, Jerusalén, Chiga Aya'fama afasundeccuma qui fi'tti! Chiga quenga moensi ji'chondeccuma qui patui'ccu ttovaccoen. Nane arapa tise dushundeccuma sanccopai'ccu sa'vianqquia'caen gi que dushundeccuma me'deye in'jan. Tsa'ma tsa'caen ña in'jansi qui se'pi.

Lucas 13:34

Jerusalén, Jerusalensundeccu, Chiga Aya'fama afasundeccuma qui fi'tti'fa. Chigaja majama que'inga moensi atesiansi qui patui'ccu fi'tti'fa. Tsain'bitsse gi in'jan que'ima coiraye. Nane arapa chan tise du'shuma sanccopai'ccu piccopa coiraqquia'caen gi que'ima coiraye in'jan. Tsa'ma que'ija in'jan'fambi.

Romanos 10:21

Tsa'ma israendeccune Chigaja su: “Ñajan a'ima in'jamba pa'cco a'ta tise'pama ttu'se'ni'qque pañambipa ñama iyicca'ye'fa.”

Romanos 2:5

Tsa'ma que'i injama'cho tsu shacapa que'i egae tsincon'choma chi'gapa Chiganga ji'faye. Tsa'can'fasi Chiga Quitsa tsequi vanaña'cho a'ta a'i injama'choma tansintsse somboe'ninda qui ti'tsse shacapapa vana'faya.