Isaías 6:9 - Cofán: Chiga Tevaen'jen

⁹ Tsa'caen susi tiseja su: “Japa va aindeccunga qquen suja: ‘Ñoa'me tsonsinai'ccu paña'ma qui in'jan'faya'bi. Ñoa'me tso'fei'ccu atte'ma qui in'jan'faya'bi.’

Isaías 6:9 ပူးပေါင်းရင်းမြစ်များ

Isaías 29:13

Toya'caen Na'su Chigaja ñanga qquen su: “Va aindeccu aya'fai'ccu ñame in'jan qquen su'fa. Nane tise'pa su'choi'ccu ñanga ñotsse afa'fa. Tsa'ma tise'pa injama'choni ñama chi'ga'fa. A'i in'jamba afa'choma pañamba tsa'caen afa'fa ñama iñajañe. Nane in'jambe'yi injanga afa'choi'ccu afa'fa.

Isaías 29:14

Tsa'cansi gi ccase osha'cho ña canjaen'choma canjaeña cuintsu va aindeccu bo'yo'e dapa camboen'faye. Nane ña ti'tsse'tssiama attepa tise'pa ñotsse tson qquen in'jan'cho tsu pasaya. Tise'pa'su injama'pandeqquia in'jamba in'jan'cho'qque tsu pasaya.”

Oseas 1:9

Isusi Na'suja Oseasma afapa su: “Va du'shuma Lo-amime inisiaña'cho, que'ija ja'ño ña a'imbi qquen suye. Toya'caen ñajan que'i Chigambi gi.”

Marcos 4:12

Nane tsendeccuja can'ma atte'fambi. Paña'ma in'jan'fambi. Tsa'cansi gi condase'choi'ccu tise'pama atesian'jen. Tsa'ma ñame in'jan'ma ccusha'faya'bi. Nane Chiga'qque tise'pa egae tsincon'choma joqquitssiaña'bi.

Lucas 8:10

Jesúsja qquen su: —Tayoe ma'caen Chiga aindeccuve dapa canse'faya'chone Chigaja condambi. Tsa'ma ja'ño que'inga pañaeñe in'jan. Cca'indeccungaja aqquia condase'choi'ccu condaseya'cho cuintsu atte'ma atesu'fambiye; cuintsu paña'ma in'jan'fambiye.

Juan 12:40

Chigaja tise'pa tso'fema picco ñotsse atte'fasa'ne. Tise'pa injama'choma'qque ta'etsse piccoqquia'caen se'pi ñotsse in'jan'fasa'ne. Tsa'cansi ñanga ji'faya'bi ccushaye.

Romanos 11:8

Chiga Tevaen'jen qquen tsu su: “Chigaja manda antte cuintsu injamambie da'faye. Tso'fei'ccu Chiga canjaen'choma atte'ma in'jan'fambi. Tsosinai'ccu Chiga Aya'fama paña'ma in'jan'fambi. Tsa'cañi tsu ja'ño a'ta'qque.”