Isaías 6:3 - Cofán: Chiga Tevaen'jen

³ Chhaje'jepa tsu tisupapora qquen su'fa: “¡Ñotssia, ñotssia, ñotssia tsu Na'su Osha'choma Oshacho'cho Chigaja! Nane pa'cco ande tsu tise ñotssiai'ccu on'ba.”

Isaías 6:3 ပူးပေါင်းရင်းမြစ်များ

Esdras 3:11

Na'su Chigama ñotsse in'jamba settapoemba Chiga ñotsse tson'chone'qque avujatsse qquen settapoen'fa: “Na'su Chigaja ñotssisi tisema avujatsse settapoen'faja. Nane tiseja Israelma tsangae in'jansi tisema avujatsse settapoen'faja.” Tsa'caen settapoen'fasi poi aindeccu Na'su Chiga ettive ccase tsao'ñañe ashaen'choma attepa avujatsse fundopa Na'su Chigama ñotsse afa'fa.

Salmos 8:2

Que anttesi tsu dushunaccu, nane toya chocho'jendeccu'qque quema avujatsse afa'fa. Tsa avujatsse afa'choi'ccu qui quema afasesundeccuma patsu. Nane sundaro ttuccunga ca'ni'masia've ñoñaqquia'caen qui quema chigasundeccuma patsu.

Salmos 97:6

Sefaccoma camba tise tansintsse manda'chone in'jan'fa. Poi aindeccu tise ñotssiama atte'fa.

Isaías 40:5

Tsonsi Na'su Chiga tise ñotssiama canjaensi tsu poi aindeccu fae'ngae tsama atte'faya. Na'suyi tsu tsa'caen conda.”

Números 14:21

Tsa'ma va tsu ñoa'me su'cho. ¡Nane ñoa'me ña cansepa ña ñotssi'ccu pa'cco andenga ñoa'me on'boenqquia'caen tsu va su'choja ñoa'me su'cho!

Efeso'su 1:18

In'jan gi Chigaja que'i tso'fema bittaenqquia'caen que'i injama'choma fettasi que'i jai'ngae daya'chove atesu'faye. Ñoa'me'qque osha'cho ñotssiama qui jai'ngae isu'faya. Poiyi'cco Chiga in'jan'cho a'inde'ccui'ccu fae'ngae qui isu'faya.