Isaías 6:13 - Cofán: Chiga Tevaen'jen

¹³ Mapán enttinge'cco a'i, fae chongayi'cco tsa andeni toya can'jen'ni'qque gi tise'pama'qque sefaeña. Tsa'ma quini'ccoma ttuttusi toya tsu setsa'choja andeni jin. (Ñame in'jan'chondeccu tsu tsa'ye sho'yoqquia'caen ccase atapa'faya.)”

Isaías 6:13 ပူးပေါင်းရင်းမြစ်များ

Génesis 22:18

Que omba'su dutssiyendeccu ñama ñotsse paña'ninda gi tise'pai'ccu poi ande'su aindeccuma ñotsse tsoña.’

Isaías 1:9

Na'su Osha'choma Oshacho'cho Chiga ingi'su majandeccuma ccushaembiecan'da ñoa'me gi Sodoma, Gomorra canqque'su aindeqquia'caen metsse sefa'faye'can.

Isaías 11:1

Shoyo'cho quini'cco setsa'cho'ye sho'yoqquia'caen tsu tiseja Isaí omba'su dutssiyendeccu'ye attiaña.

Zacarías 13:8

Va andeni can'jensundeccu'suja dos enttinge tsu pa'faya. Nane fae enttingeyi tsu ccushapa canse'faya.

Malaquías 2:15

Tsa'ma Na'su Chigaja que'i ai'vo, que'i qquendya'pama'qque an'biamba que'ima fae a'ive tson. Tsa'caen tsu tson cuintsu que'i dushundeccu'qque tise've in'jamba canse'faye. Tsa'cansi que'i injama'choma ñotsse coirapa que'i aishe pushendeccuma ñotsse in'jamba canse'faja.

Mateo 24:22

Nane Chiga tsa'caen vanaña'cho a'tave agattoccoeyi anttembiecan'da ñoa'me tsu poi a'i pa'faye'can. Tsa'ma Chigaja Tise ttu'se'cho aindeccuma ccushaeñe in'jamba tsa'caen vanaña'chove agattoccoeyi antte panshaen vana'fasa'ne.

Marcos 13:20

Nane Chiga tsa'caen vanaña'cho a'tave agattoccoeyi anttembiecan'da ñoa'me tsu poi a'i pa'faye'can. Tsa'ma Chigaja Tise ttu'se'cho aindeccuma ccushaeñe in'jamba tsa'caen vanaña'chove agattoccoeyi antte panshaen vana'fasa'ne.

Romanos 9:5

Israendeccuja tayopi'su joccapitssia coenzandeccumbe dushundeccu tsu. Tsendeccune tsu Cristoja ji. Nane a'ive dasi israe a'i isu'cho tsu. Cristoja Chiga tsu, osha'choma joccapitssia. Tsangae Tisema ñotsse afa'faja. Tsangaeyi.

Deuteronomio 28:62

Tsa'caen tsonsi, que'i, israendeccuja, tayoe sefacco'su o'fema agattoye oshambi'tssiqquia'caen qui tsequi a'ta Na'su que'i Chigama ñotsse pañambipa re'ricco a'ive da'faya.

Deuteronomio 7:6

Nane que'ija Na'su que'i Chiga in'jan'cho aindeccu qui. Na'suja poi ande'su aindeccu'su'ye que'ima in'jamba attufaen tisumbeve.