Isaías 6:10 - Cofán: Chiga Tevaen'jen

¹⁰ Nane va aindeccuma tsonjan cuintsu injama'cho shacasi tombu'faye injama'choi'ccu ñame in'jamba ccushaengesa'ne. Nane tise'pa tsonsinama'qque piccoja paña'fasa'ne. Tso'fema'qque tsapija atte'fasa'ne.”

Isaías 6:10 ပူးပေါင်းရင်းမြစ်များ

Salmos 69:23

¡Antteja cuintsu tsendeccu binime dapa dyopa oshambipa ttun'dundu'je'faye!

Éxodo 10:27

Tsa'ma Na'su Chiga faraónma in'jaensi iyicca'yepa se'pipa israendeccu jaya'chove anttembi.

Éxodo 11:10

Moisés toya'caen Aarón osha'cho canjaen'choma faraónga tsa'caen canjaen'fa'ni'qque Na'su Chiga tisema in'jaensi iyicca'yepa se'pipa israendeccu Egipto ande'ye somboya'chove anttembi.

Éxodo 14:17

Nane ña gi in'jaeña cuintsu egiptondeccu ñoa'me iyicca'yepa que'ima marnga'qque mandian'faye. Tsonsi gi ña oshacho'choma faraón, pa'cco tise sundarondeccu toya'caen tise'pa caro, cavayoma'qque sefaemba canjaeña.

Isaías 29:14

Tsa'cansi gi ccase osha'cho ña canjaen'choma canjaeña cuintsu va aindeccu bo'yo'e dapa camboen'faye. Nane ña ti'tsse'tssiama attepa tise'pa ñotsse tson qquen in'jan'cho tsu pasaya. Tise'pa'su injama'pandeqquia in'jamba in'jan'cho'qque tsu pasaya.”

Mateo 13:15

Nane va aindeccumbe injama'choja tombu'fa. Tsonsinai'ccu pañañe in'jambipa picco'fa. Tise'pa tso'fema tsu tsapi'fa. Nane tso'fei'ccu attesa'ne tsapi'fa. Tsonsinai'ccu pañasa'ne tsu picco'fa. Injama'choi'ccu in'jansa'ne tsu tombu'fa, ñame in'jamba ccushaengesa'ne.

Juan 12:40

Chigaja tise'pa tso'fema picco ñotsse atte'fasa'ne. Tise'pa injama'choma'qque ta'etsse piccoqquia'caen se'pi ñotsse in'jan'fasa'ne. Tsa'cansi ñanga ji'faya'bi ccushaye.

Tson'fa'cho 28:27

Va aindeccuja injama'cho shacaqquia'caen dapa, ñotsse paña'fambi. Tise'pa tso'fe piccoyeqquia'caen da'fa ñotsse attesa'ne. Nane tsosina'qque tsa'caen da'fa ñotsse pañasa'ne. Tise'pa injama'cho'qque injienge'fambi. Tsa'camba tsu tise'pa in'jan'choma catipa ñanga ji'fambi ña tise'pama ccushaeñe.

Tson'fa'cho 3:19

Tsa'cansi que'i egae tsincon'choma anttepa Chiga Quitsanga ji'faja cuintsu Tise que'i egae tsincon'choma ccuchaye. Tsa'caen ccuchapa Na'su Chiga tsu que'i injama'choma ño'faeña.

2 Corinto'su 2:16

Pañambipa qqueya'chondeccunga gi tssu'jutssi'fa tise'pa tsangae paya'chone canjaemba. Tsa'ma pañamba ccushaya'chondeccunga gi ño'metssi'fa tise'pa tsangae canseya'chone canjaemba. ¿Osha'fa ti gi tsa'caen Cristone canjaeñe? Ju, osha'fa gi.

Deuteronomio 2:30

Tsa'caen iñajansi tsu na'su Sehónjan se'pi ingi tise andengae pashañe. Nane Na'su que'i Chiga tsu tisema in'jaen cuintsu tsa'caen ñoa'me se'pisi que'ija tisema geraemba patsu'faye. (Nane tsa'caen tsu Na'su Chigaja tayo tson.)