Isaías 59:4 - Cofán: Chiga Tevaen'jen

⁴ Nane tansintsse su'chove tta'tta'fambi. Ni faesui'ccu tansintsse condaseccopa tansiaña'chove in'jan'fambi qui. Ti'tsse afopa'chove in'jamba qui aqquia injanga afapa condasecco'fa. Tsa'caen tsomba qui egae in'jan'choi'ccu suripa egae tsincon'choma isu'faya.

Isaías 59:4 ပူးပေါင်းရင်းမြစ်များ

Isaías 59:3

Que'i tiveja anjampai'ccu sinccopasi que'i tsimian'cco'qque egae tsincon'choi'ccu te'vaqquia'caen shacapa. Que'i aya'faja afopoen'choveyi afa'jesi que'i menzanza'fa'qque in'jangae tson'jen.

Jeremías 7:4

Tsa'ma qquen afopoensundeccuma paña'fajama: ¡Vani tsu Na'su Chiga etti! ¡Majañi'qque ingima patsuye osha'fambi! ¡Vani tsu Na'su Chiga etti!

Jeremías 7:8

“ ‘Que'i pañamba in'jan'choja ñoa'me barembi'choa afopoen'cho tsu.

Tson'fa'cho 24:9

Tértulo tsa'caen afasi israendeccuja “Ju, tsa'caña tsu,” qquen afa'fa.

Santiago 1:15

Nane a'ija egae in'jan'da tsu egae tsincoña. Tsa'caen egae tsincomba in'jangae canse'ta ñoa'me tsu paya.