Isaías 59:1 - Cofán: Chiga Tevaen'jen

¹ Na'su Oshacho'choja ingima ccushaeñe oshambi'bi tsu inginga nepipa ingima ccushaeñe. Ni tsosinambia'caen ingima pañañe oshambi'bi tsu.

Isaías 59:1 ပူးပေါင်းရင်းမြစ်များ

Génesis 18:14

¿Oshambi ti Na'su Chigaja osha'choma oshapa tsa'caen tsoñe? Nane ñoa'me fae canqque'fa pasasi ña ccase jisi tsu Saraja tsandie du'shuve isuya.

Salmos 94:9

Na'su Chigaja que'i tsosinama agattoen pañañe. ¿Tise'ta ti que'ima pañambi? Tiseja que'i tso'fema agattoen atteye. ¿Tise'ta ti que'ima attembi?

Isaías 6:10

Nane va aindeccuma tsonjan cuintsu injama'cho shacasi tombu'faye injama'choi'ccu ñame in'jamba ccushaengesa'ne. Nane tise'pa tsonsinama'qque piccoja paña'fasa'ne. Tso'fema'qque tsapija atte'fasa'ne.”

Isaías 65:24

Tsendeccu toya ñama ttu'sembi'te gi tise'pa in'jan'choma in'jamba afaya. Nane tise'pa toya afa'je'ni gi tise'pama pañaña.

Números 11:23

Tsa'caen susi Na'su Chigaja su: —¿In'jan ti qui tsata tsu re'ricco ñane'jan? Ja'ño qui atteya ña suqquia'caen ña ñoa'me tson'choma.

Mateo 13:15

Nane va aindeccumbe injama'choja tombu'fa. Tsonsinai'ccu pañañe in'jambipa picco'fa. Tise'pa tso'fema tsu tsapi'fa. Nane tso'fei'ccu attesa'ne tsapi'fa. Tsonsinai'ccu pañasa'ne tsu picco'fa. Injama'choi'ccu in'jansa'ne tsu tombu'fa, ñame in'jamba ccushaengesa'ne.

Hebreo'su 7:25

Tsa'camba Jesúsja tsangae nanitsse a'ima ccushaeñe osha. Poiyi'cco majan tise've in'jamba Chiganga catse'nijan tise tsu ccushaeña. Tsangae tsu Jesúsja canse tsendeccune Chigama afaye.

1 Samuel 8:18

Tsequi a'ta qui que'ija i'na'faya que'i in'jamba iñajan'cho ande na'su tsa'caen tsonsi. Nane tsequi a'ta Na'su Chiga que'ima pañambisi qui i'na'faya.