Isaías 56:6 - Cofán: Chiga Tevaen'jen

^6-7 “Toya'caen poi israembindeqquia majan ñame in'jamba ñama shondoye in'jan'ninda ña, Na'su, gi tisema angaya ña ñotssia ccotta'cconga. Nane injama'choi'ccu ñama ñotsse in'jamba ñame iñajan'da tsu ñame iñajan'jen'cho tsaoni avujatssi'faya. Ño'faya'cho a'tama ña mandaqquia'caeñi tson'jemba anttembe'yi ñai'ccu injancco'fa'choma paña'da tsu avujatsse ñai'ccu can'jen'faya. Tise'pa oque o'raemba ñanga afe'choma, ñanga aqquia afe'choma'qque gi avujatssiya. Nane ña tsa'oma tsu qquen afa'faya: ‘Poi ande'su aindeccu Na'su Chigama iñajan'jen'tti.’

Isaías 56:6 ပူးပေါင်းရင်းမြစ်များ

Tson'fa'cho 11:23

Antioquíani japa Bernabéja Chiga tsenisundeccunga ñotsse tson'choma attepa avuja. Tsa'caen avujapa poiyi'cconga candusian cuintsu anttembe'yi Na'suve tansintsse in'jamba canse'faye.

Tson'fa'cho 2:41

Tsa'caen susi majan pañamba in'jan'chondeccuja fetiye'fa. Nane tsequi a'ta tsu tres milqquia'ca'on a'i Jesúsve in'jan'chondeccuve da'fa.

Romanos 8:28

Atesu'fa gi ma'caen Chiga tayo in'jamba majan a'ima ttu'se'choma cuintsu Tise in'jan'chondeccuve da'faye. Tsendeccu Chigama ñotsse in'jansi Chigaja osha'cho ñotssiama tise'panga antte.

1 Corinto'su 16:22

Majan a'i Na'su Jesúsma ñotsse in'jambi'ta cuintsu tise'paja tsangae catiyepa pa'faja. ¡Na'su Jesús tsu jiya!

2 Corinto'su 8:5

Toya'caen tsa'caen in'jamba tsu ingi asi'ttaen'choma ti'tsse tsomba Chiga in'janqquia'caen tisuma'qque Na'su Jesúsnga afe'fa. Nane tsa'caen Na'sunga afepa tisuma inginga'qque afe'fa ingi mandasi tsoñe.

Galacia'su 5:6

Chhiyitevaemba canjaen'cho, ni chhiyitevaembe can'cho'qque, tsu ingima ccushaeñe oshambi. Tansi Jesucristove in'jamba gi ccusha'fa. Nane Jesucristove in'jamba fuengasuma'qque ñotsse in'jan'choyi tsu ccushaeñe bare.

Efeso'su 6:24

Nane ingi poiyi'cco Na'su Jesucristoma anttembe'yi ñotsse in'jansi tsu Chigaja ingima ñotsse tsoña. Tsangaeyi.

Santiago 1:12

Majan a'i vana'jen'ma, toya egae tsincombe'yi canse'ta ñoa'me tsu avujatssiya. Tsaja tsa'caen ñotsse cansesi Chigaja Tisema in'jamba antteya cuintsu tsangae canseye. Nane a'i gana'sunga otifaccuma afeqquia'caen Chigaja tayoe tsangae canseya'chove antteye su majan Tisema in'jan'chondeccunga.

Santiago 2:5

Ña in'jan'cho faenga'su Cristove in'jan'chondeccu, vama paña'faja. Chigaja va ande'su mendeqquiama in'jamba antte cuintsu tsendeccu Tise've in'jamba ricove daqquia'caen Tise dutssiyendeccuve da'faye. Tsa'caen tsu Chigaja tayoe ñoa'me su tisema in'jan'chondeccune.

Canjaen'cho 1:10

Piccoyepa can'jemba gi Na'sumbe a'ta, Domingo, Chiga Qquendya'pa ñama in'jaensi aya'fama paña, ña sepaccofae quia'me afa'je'choma. Nane sundaro jeñaqque'suma jeñaqquia'caen tsu quia'me afa.