Isaías 55:8 - Cofán: Chiga Tevaen'jen

⁸ Ña in'jan'choja que'i in'jan'choacambi tsu. Ña tson'cho'qque que'i tson'choacambi tsu.

Isaías 55:8 ပူးပေါင်းရင်းမြစ်များ

2 Reyes 5:11

Tsama pañamba Naamánjan ñoa'me iyicca'ye. Iyicca'yepa qquen supa ja: —Ñanda gi in'jan Chiga aya'fama afa'su sombopa ñanga catse ccutsupa Na'su tise Chigama iñajamba tivei'ccu na congomba jinchoma canjaensi ti gi ccushaya.

Salmos 40:5

Na'su, ña Chiga, tsain'bitsse qui ingine ñotsse tson'jen. Que ingine in'jan'cho'qque antte'masia tsu. ¿Majan tsu faesuja tsa'caen tsoñe oshaya? Tsane faesunga condaye in'jansi aya'fa tsu shaca pa'tssima ñotsse condaye.

Isaías 53:6

Poiyi'cco gi oveja'caen injanga ccani jacamba qque'fa. Ingi in'janqquia'caen gi injanga canse'fa. Tsa'ma Na'suja pa'cco ingi egae tsincon'cho shacama tisenga antte.

Isaías 65:2

Ñajan a'ima in'jamba pa'cco a'ta tise'pama ttu'se'ni'qque pañambipa ñama iyicca'ye'fa. Tisupa in'jan'choveyi in'jamba injanga ccaningae jaja'fa.”

Daniel 4:37

“Ja'ñojan ña Nabucodonosor gi sefacconi'su Na'suve in'jamba tise ñotssianga iñajan'jen. Nane pa'cco tise tson'cho tsu ñoa'metsse tson'cho; tansintsse tson'cho tsu. Toya'caen tsu osha ‘ñajan ti'tsse'tssi gi’ qquen in'jan'chondeccuma vanaemba ñombi'yeañe.”

1 Samuel 16:7

Tsa'ma Na'su Chigaja tisema su: “Ni tise camba'ju ni tise quin'suma canjama. Nane tayo gi tisema joqquitssian, a'i canqquiacambi tsu ña a'ima caña'jen'cho. Nane a'ija camba'juma caña'jen. Tsa'ma ñajan a'i injama'cho'su in'jan'choma caña'jen.”