Isaías 55:6 - Cofán: Chiga Tevaen'jen

⁶ “Toya tisema atteye osha'ta Na'suve tta'tta'faja. Toya pporotsse tise can'jen'ninda tisema ttu'se'faja.

Isaías 55:6 ပူးပေါင်းရင်းမြစ်များ

Job 8:5

Tsa'ma Chiga, tsa Osha'choma Oshacho'chove tta'ttapa tisema iñajanjan cuintsu quema mendeyeye.

Salmos 14:2

Na'su Chigaja sefacconi can'jemba va ande'su aindeccuma caña'jen. Camba ñotssiave in'jan'cho a'ive ttatta'je, majan tisema ttatta'suve.

Salmos 32:6

Tsa'cansi tsu poiyi'cco Chigave in'jan'chondeccu quema iñajaña'cho. Nane que can'jensi atteye osha'ta tsu iñajaña'cho maqui a'ta vana'jen'cho ji'ni'qque opatsse can'jeñe.

Salmos 34:19

Na'suve in'jamba paña'su'qque osha'chove vana'jeña. Tsa'ma Na'suja osha'cho'ye tisema ccushaeña.

Salmos 95:7

Na'suja ñoa'me ingi Chiga; ingija tise aindeccu. Nane ingija tise oveja'can'fasi tise ingima coira'je. Ja'ño tsu tisema pañaña'cho tise qquen susi:

Isaías 65:24

Tsendeccu toya ñama ttu'sembi'te gi tise'pa in'jan'choma in'jamba afaya. Nane tise'pa toya afa'je'ni gi tise'pama pañaña.

Daniel 4:27

Ja'ño Ti'tsse'tssia, ña suqquia'caen qquen tsoncanjan: Ñotsse canseja ti'tsse egae tsincombe'yi. Tisu egae tsincon'choma anttepa va'chandeccuma fuiteye in'janjan. Isha qui tsa'caen tsomba ti'tsse ñotsse, avujatsse, toya'caen opatsse osha'choma an'biambaja canseya.’ ”

Jonás 3:8

Tsa'ma poiyi'cco a'i tsincco'cco'je'cco'a ondiccu'jema ondiccu'faja tisu ñombi'ye'choma canjeñe. Tsomba pa'cco que'i tsain'fai'ccu Chigama iñajan'faja. Toya'caen tsu poiyi'cco tisu ja'ñopan egae tsincon'choma anttepa ñotsse can'jeña'cho.

Mateo 5:25

A'i quema iyicca'yepa que egae tson qquen supa na'sunga angaji'ninda tsu toya na'sunga napimbi'te tisema ñoquiaña'cho. Ñoquiambian'da tsu na'sunga quema afeya. Na'su'qque capitáma tsu mandaya quema indiye. Indipa tsu picco'je'cho ettinga quema piccoya.

Lucas 13:25

Tsa'o na'su tayo jangipa sombo'ttima piccosi qui que'ija tsotefanga ccutsupa tssai jeñañe ashaen'faya qquen supa: “Na'su, sombo'ttima fettaja ingi ca'niñe.” Tsa'ma tiseja que'ima suya: “Ñanda gi que'ima atesumbi. Ni mane ji'chove'qque gi atesumbi.”

Juan 8:21

Jesúsja ccase afapa su: —Ña jasi qui que'ija ñame ttatta'faya. Tsa'ma toya egae jinchopa qui pa'faya. Nane mani ña ja'nijan tseni jiye osha'fambi qui.

Efeso'su 3:13

Tsa'camba gi que'ima iñajan: Chigáne ñoquimbi'fajama ñane. Ñajan que'ima in'jamba vana'jen. Que'ine vana'jen qquen in'jamba avujatsse canse'faja.

Hebreo'su 2:3

Tsa'cansi ingija va ti'tssetssia ccushaeña'choma pañamba chi'ga'ta ¿ma'caen gi ccusha'faya? Ñoa'me gi ccusha'faya'bi. Tseyi Na'suja va ccushaeña'chone a'inga condasesi Tisema pañasundeccuja inginga condase'fa, ñoa'me su'chove canjaeñe.

Hebreo'su 3:13

Tsa'ma “ja'ño a'ta” Chiga toya iyicca'yembi'te poi a'ta tisupapora candusiamba fae'ngae fuitecco'faja. Fuiteccopa egae tsincon'choma antte'faja, tisuma afopoenqquia'caen “Ñotssi tsu” qquen in'jan'fasa'ne. Nane tsa'caen in'jan'da injama'choni qquepa Chigama pañañe osha'faya'bi.