Isaías 55:2 - Cofán: Chiga Tevaen'jen

² ¿Jongoesie qui corifin'dima catipa osha'cho an'masia'ma injanga chava'fa? ¿Jongoesie qui que'i semasi afepoen'choma in'jambe'yi injanga cati'fa? Ñama ñotsse paña'da qui ñotssia anqque'suma amba ya'yatssia'ma'qque avujatsse an'faya.

Isaías 55:2 ပူးပေါင်းရင်းမြစ်များ

Salmos 34:11

Jija ña dushundeccu. Jipa ñama paña'faja. Paña'faja ma'caen Na'suve in'jamba canseya'chove ña atesian'choma.

Éxodo 15:26

“Ña, que Na'su Chiga su'choma ñotsse in'jan'faja. Ña in'janqquia'caen tson'faja. Ña manda'choma pañamba tsomba pa'ccoma ña mandaqquia'caen nani'faja. Tsa'caen tson'fa'ninda gi ni fae paqque'suveyi'qque egiptondeccuma'caen tsoñambi. Nane ña gi Na'su Chiga que'ima ccushaen'su.”

Isaías 1:19

Que'i in'jamba ñama paña'da qui osha'cho va ande'su ñotssiama an'faya.

Isaías 65:23

Tise'pa, toya'caen tise'pa omba'su dutssiyendeccu'qque Na'su in'jan'cho aindeccu tsu. Na'su tsa'caen in'jamba ñotsse tsonsi aqquiatsse injanga ñotsse sema'fambi ni tise'pa du'shuma toya chu'ayi paya'chove isu'fambi.

Mateo 15:9

Injanga tsu ñama iñajamba ñotsse afa'fa. Tise'pa atesian'cho'qque a'i asi'ttaemba manda'cho tsu.

Mateo 22:4

Tsonsi ti'tsse'tssi tise'be semasundeccuma mandamañamba qquen suye manda: “Tayo gi ña vaurama, faesu yayapatssia aña'choma'qque fi'tti. Tayo fi'ttipa osha'choma tayo ñoña fiestaeñe. Anqque'suma tayo ñoñamba que'ima ttu'se casara'cho fiestani ji'faye.”

Mateo 5:6

Que'i majan qquipoe'supa toya'caen tsaqquie'supa ttepuye in'janqquia'caen ño'ame daye in'jan'da ñoa'me qui avujatssi'fa. Chiga tsu que'ima ño'ame tsoña.

Marcos 7:14

Qquen supa Jesús ccase aindeccuma ttu'sepa su: —Poiyi'cco pañamba in'jan'faja.

Lucas 15:23

Yayapatssia vaura du'shuma fi'ttipa sho'ccoen'faja. Jinge avujatsse an'faye.

Juan 6:27

Congonqque'su aña'choma in'jan'fajama. Tsa'ma Sefaccone Ji'cho A'i quenga afe'cho tsangae cansiaña'cho anqque'suma ñotsse in'jan'faja. Chiga Quitsa tsu ñama in'jamba tsa'caen afeye manda antte.

Romanos 10:17

Tsa'ma toyayi ingi condase'jesi a'ija Cristone paña'fa. Pañamba tsu Cristove in'jan'faya.

Romanos 9:31

Israendeccuja Chiga manda'choma pañamba tsa'caen ño'ame daye qquen tsu in'jan'fa. Tsa'ma pa'ccoma tsa'caen tsoña oshambipa toya tsu shacapa'fa.

Hebreo'su 13:9

Tsa'cansi ccaningae atesian'jen'choma paña'da tsama in'jan'fajama. Majan atesiansundeccuja aña'choma añe se'pi'fa tsa'caen tsomba injama'choma quiñaeñe qquen supa. Nane tsendeccu tsa'caen se'pipa canse'fasi tise'pa injama'choja toeninga ega tsu. Ñoa'me Chiga ingima in'jamba afe'cho tsu ingi injama'choma quiñaenqque'su.