Isaías 55:12 - Cofán: Chiga Tevaen'jen

¹² Que'ija avujatsse tsene sombopa que'i andeni ccase japa opatsse can'jen'faya. Nane que'i toequi ja'choma attepa ccotta'cco rande, chipiri'qque settapoemba avuja'faya. Quini'cco'qque attepa tise'pa ttembama oyaen'faya tsai'ccu tise'pa avuja'choma canjaeñe.

Isaías 55:12 ပူးပေါင်းရင်းမြစ်များ

Salmos 105:43

Chigaja tise in'jan'cho aindeccuma somboensi tsu avujatsse fundopa Egipto'ye sombo'fa.

Salmos 69:34

¡Chiga Quitsama ñotsse afa'faja! ¡Nane sefacco, ande, mar, poiyi'cco tsani can'jensundeccu'qque tisema ñotsse afa'faja!

Isaías 52:9

Nane Na'su tise aindeccuma mende'yepa Jerusalénma ccushaen'ninda tsu Jerusalén osuipa sheque'cho'qque jangipa fae'ngae avujatsse settapoen'faya.

Jeremías 29:11

Injan'jen gi ña que'inga ma'caen tsoñe in'jan'choma. Nane egave me'chopa ñotsse tsoña'chove tsu, cuintsu que'i ñotsse cansepa avujatsse jai'ngae ñotsse tsoña'chove ronda'je'faye. Ña, Na'su Chiga gi que'inga conda.

Lucas 15:10

Tsa'cansi gi su, fae egae tsincon'su tise egae tsincon'choma chi'gapa antte'ninda Chiga sefacconi'su shondosundeccuja avujatssi'faya.

Romanos 15:13

Chiga ingima in'jaensi gi avujatsse ronda'je'fa. Ñajan in'jan cuintsu Tise tsa'caen que'ima in'jaensi Tise've in'jamba avujatsse opatsse canse'faye. Nane Chiga Qquendya'pa tsa'caen que'ima in'jaen'ninda qui Chigave ti'tsse ro'ndá can'jen'faya.

Romanos 5:1

Ingi Na'su Jesucristove in'jamba paña'fasi tsu Chiga Quitsaja su: “Que'ija ño'a'fa.” Tise tsa'caen supa ñoquiansi gi Tisei'ccu opatsse canse'fa.

Romanos 5:11

Toya'caen Na'su Jesucristove in'jamba gi avujatsse Chigama ñotsse afa'fa. Nane Jesús tsu ingine Chiga Quitsama ñoquian'su.

Galacia'su 5:22

Tsa'ma Chiga Qquendya'pa in'jaensi ñotsse canse'faya'cho tsu qquen: Poiyi'cco a'ima ñotsse in'jan'fa; avujatsse canse'fa; opatsse canse'fa; iyicca'yembe'yi ron'daye atesu'fa; faesuma ñotsse tson'fa; faesuma mende'yepa afe'fa; tisu su'choma tsa'caen tson'fa;

Colosa'su 1:11

Chigaja osha'choma oshachopa a'tatssia've tson'jen. In'jan'fa gi Chiga Tise quin'sui'ccu que'ima oshaensi qui vana'je'an'qque quiñamba dyombe avujatsse canse'faya.