Isaías 55:11 - Cofán: Chiga Tevaen'jen

¹¹ Tsa'canqquia'caen ña Aya'fama injanga afambi gi. Tsa'cansi tsu ña in'janqquia'caen tsomba ña mandaqquia'caen tsoña.

Isaías 55:11 ပူးပေါင်းရင်းမြစ်များ

Isaías 40:8

Shoshovi sambasi te'ta'qque pandipa sheque'faya. Tsa'ma ingi Chigambe Aya'faja tsangae tsu jinchoya.”

Isaías 53:10

Nane Na'suja in'jamba tsu tisema dañomba vanae. Egae tsincon'chone afe'chove tisema tson'ni'qque can'jemba jai'ngae tise dutssiyendeccuma atteya. Nane Na'suja tisei'ccu tisu in'jan'choma ñotsse nanitsse tsoña.

Zacarías 1:6

Tsa'ma tsendeccu'yema ña in'jaensi afa'fasi tsu jai'ngae que'i tayopisundeccu'yeja ña manda'cho, ña su'choma'qque paña'fa. Pañamba tise'pa egae tsincon'choma catipa ñani ji'fa. Pañamba tsu in'jan'fa ña, Na'su Osha'choma Oshacho'cho Chiga tsa'caen tise'pa egae tsincon'chone vanae'jen'chove.’ ”

Números 23:19

Chigaja ingi a'ia'cambipa afopoembi ni cambiaña'bi. Nane tise ma'caen su'ta tsu tsa'caen tsoña. Tise ñoa'me tsoña qquen su'ta tsu tsa'caen tson.

Mateo 24:35

Nane sefacco, ande'qque pasaya. Tsa'ma ña aya'faja pasaya'bi. Ñoa'me su'cho tsu. Ña suqquia'caen tsu daya.

Juan 6:63

Nane qquendya'pa tsu cansian'su. Ai'voja cansiaña'bi tsu. Toya'caen ña que'inga su'choja ñoa'me cansiaña'cho qquendya'pane su'cho tsu.

Romanos 10:17

Tsa'ma toyayi ingi condase'jesi a'ija Cristone paña'fa. Pañamba tsu Cristove in'jan'faya.

1 Corinto'su 1:18

Qqueya'chondeccuja Jesús avuja'cconga pa'chone condase'choma chi'gapa “injiengembitssia afa'cho” qquen tsu in'jan'fa. Tsa'ma ingi, ccushaya'chondeccuja, pañamba Chiga ingima ñoa'me in'jaen'cho tsu, qquen gi in'jan'fa.

1 Tesalónica'su 2:13

Ingi Chiga Aya'fama condasesi que'ija aqquia a'i aya'fambi qquen atesupa ñoa'me Chiga Aya'fa tsu qquen in'jamba paña'fa. Tsaja ñoa'me Chiga Aya'fapa tsu que'ima in'jaen que'ija Jesúsve in'jan'chondeccusi. Tsa'cansi gi ingija antte'faya'bi avujatsse Chigama que'ine iñajañe.

Hebreo'su 6:7

Nane tsa'candeqquiaja a'i nasipoen'cho andecan'fa tsu. Unjin tsa andenga tui'ñaccasi sho'yopa ñotsse na'ninda tsu na'suja pi'shopa aña. Nane Chiga mende'yepa afesi tsu ñotsse naña.

Santiago 1:18

Chigaja Tise agattoen'chone Tise dushundeccuma isuye in'jamba Tise tansintssia aya'fai'ccu ingima qquendyaemba in'jaen cuintsu Tise aishe dushundeccuve da'faye.

1 Pedro 1:23

Nane que'ija cuname isu'choa'caen qui canse'fa. Ai'voye isu'choja paya. Tsa'ma Chiga Aya'fa isu'choja ñoa'me cansepa tsangae tsu jinchoya.

1 Samuel 3:19

Samuel coenjinsi Na'su Chigaja tisema fuite'je. Toya'caen pa'cco tise su'choma tson.