Isaías 53:3 - Cofán: Chiga Tevaen'jen

³ Nane a'ija tisema chi'gapa cati'fa. Ñombi'ye'su a'i tsu. Nane vanañe atesu'cho tsu. A'tuqquia'caen gi tisema panshan'fa. Barembi tsu qquen in'jamba gi tisema chi'ga'fa.

Isaías 53:3 ပူးပေါင်းရင်းမြစ်များ

Salmos 69:29

Tsa'ma ña pajipa vana'jen'choma chigáne, Ña Chiga, ñama pañamba jangiamba ccushaenjan.

Isaías 52:14

Nane tsain'bio a'i, tise camba'ju, tise ai'vo'qque ñoa'me dañongesi a'ia'caen attiambi attepa can'boen'faya. Tsa'ma tisema can'boenqquia'caen tsu

Isaías 53:10

Nane Na'suja in'jamba tsu tisema dañomba vanae. Egae tsincon'chone afe'chove tisema tson'ni'qque can'jemba jai'ngae tise dutssiyendeccuma atteya. Nane Na'suja tisei'ccu tisu in'jan'choma ñotsse nanitsse tsoña.

Isaías 53:4

Tsa'ma tise tsu ingi vana'jen'choma an'bian. Nane ingi ñombi'ye'choma'qque tsu tiseja angacan. “Chiga tisema ma'ppipa iñaccaensi vana'jen” qquen gi in'jan'fa.

Mateo 26:67

Qquen supa tise tsovejunga bo'chiccoen'fa. Tivei'ccu tisema tssai'fa. Cca'indeccuja tivei'ccu tise tsovejuma a'tutsse tssaipa

Mateo 27:63

su'fa: —Na'su, tsa afopoen'su toya canseite tsu su: “Papa tres a'tangae gi ccase qquendyaya.”

Marcos 10:33

Qquen tsu su: —Que can'faja. Jerusaléni gi jayi'fa. Tseni japa gi Sefaccone Ji'cho A'i indiyepa afeyeya Chigama afa'su nasundeccunga, Chiga manda'choma atesiansundeccunga. Tsendeccu tsu ñama fi'tti'faye mandapa israembindeqquianga ñama afe'faya.

Marcos 10:34

Tsendeccu tsu ñama da'ñomba afa'faya. Tsomba ñanga attupoemba tsse'tsse'faya. Tsa'caen tsse'tsse nanimba tsu ñama fi'tti'faya. Tsa'ma papa gi tres a'tangae ccase qquendyaya.

Marcos 14:34

tsendeccuma su: —Injama'cho tsosipie paqquia'caen gi asi'ttaemba ñombi'ye. Va'ttinga catiyepa anambe caña'jen'faja.

Marcos 15:19

Qquen supa tise tsovema caofa'ccoi'ccu ochhachha'fa. Tsomba attupoen'fa. Toya'caen tisenga ccarupa na'suma iñajanqquia'caen qquen tsincon'fa.

Marcos 9:12

Qquen iñajampaña'fasi Jesúsja su: —Ñoa'me tsu Elíasja o'tie jiya'cho pa'ccoma ñoñañe. Tsa'ma ñanda gi su tayo tsu Elíasja ji. Jisi a'ija tisema osha'choe ma'caen in'jangae tson'fa. Nane Chiga Tevaen'jen tisene suqquia'caen tsu tisenga tson'fa. Toya'caen ¿jongoesu qquen tsu Chiga Tevaen'jenjan su Sefaccone Ji'cho A'ine? Nane tiseja chigayepa vanaña'cho, qquen tsu tevaen.

Lucas 16:14

Fariseondeccuja tsain'bitssi corifin'dive in'jañe atesuchopa Jesús su'choma pañamba tisema feña'jen'fa.

Lucas 19:41

Canqquenga pan napijipa attepa Jesúsja i'namba

Lucas 8:53

Tsa'ma tayo ñoa'me pa'chosi in'jamba Jesúsma feña'fa.

Lucas 9:22

Qquen tsu su: —Sefaccone Ji'cho A'i gi osha'choi'ccu vanaña. Ingi ande'su coenzandeccu, Chigama afa'su nasundeccu, Chiga Aya'fama atesiansundeccu'qque ñama chi'ga'faya. Ñama fi'ttisi papa gi tres a'tangae ccase qquendyaya.

Juan 11:35

Tsonsi Jesúsja i'na.

Juan 8:48

Tsonsi israendeccuja su'fa: —Ñotsse gi su'fa queja samaritanomba qui cocoyama an'bian.

Hebreo'su 4:15

Nane ingine Chigama afa'su tsu ingi qque'choma atesupa ingima mende'yeye osha. Tise'qque ingia'caen a'ive dapa can'jensi Satanajan tisema'qque qqueña qquen tson. Tsa'camba Jesúsja egae tsincon'choma patsu'a'qque tsu ingi qque'choma injan'jen.

Hebreo'su 5:7

Tsa'cansi Cristoja a'ive dapa va andeni can'jemba ina'jemba fundondo'e Chiga Quitsama quia'me iñajan. Nane Chiga Quitsayi tsangae paya'cho'ye tisema ccushaeñe oshasi tsu Tisema iñajan. Tsa'caen dyoe'sui'ccu Chigave in'jamba iñajansi Chigaja tisema paña.