Isaías 52:10 - Cofán: Chiga Tevaen'jen

¹⁰ Poi ande'su aindeccu caña'jen'ni Na'su tise oshacho'choma canjaensi tsu poi andesundeccu ingi Chiga ingima ccushaen qquen in'jan'faya.

Isaías 52:10 ပူးပေါင်းရင်းမြစ်များ

Isaías 11:9

Me'i'on tsu jongoesu dañoqque'su ña in'jan'cho ccotta'cconi can'jeñe. Nane tsa'ccu marnga on'baqquia'caen Na'su Chigane in'jan'choja poi aindeccumbe injama'chonga on'baya cuintsu tise've in'jan'faye.

Isaías 40:5

Tsonsi Na'su Chiga tise ñotssiama canjaensi tsu poi aindeccu fae'ngae tsama atte'faya. Na'suyi tsu tsa'caen conda.”

Isaías 53:1

¿Majan tsu ingi condase'choma in'jan'faya? ¿Majanga tsu Na'suja tise oshacho'choma canjaen?

Miqueas 5:4

Bo'fasi tsu ovejama coira'su ovejama coiraqquia'caen na'suja ccutsupa tise aindeccuma coiraya. Nane Na'su Chiga tisema quiñaesi tsambe ñotssiama canjaemba mandasi tsu poiyi'cco opatsse canse'faya. Tsa'cansi tsu poi biani'su andene'qque ‘Na'su Chigaja joccapitssia’

Lucas 2:30

gi Que ccushaen'suma tayo atte.

Lucas 3:6

Nane tsa'caen tsu injama'choma ñoñaña'cho poiyi'cco a'i Chiga tise'pama ccushaeña'choma in'jañe.”

Tson'fa'cho 13:47

Nane tsane tsu Na'suja ingima qquen manda: Ña gi que'ima tuño attianqquia'caen poi israembindeqquianga canjaeña. Que'i'ccu gi poi biani'su ande'suma'qque ccushaeña.

Josué 4:24

Tsa'caen tsu tson cuintsu poi ande'su aindeccu atesu'faye Na'su Chiga osha'choma oshacho'chove. Toya'caen tsu tsa'caen tson cuintsu ingija tsangae dyoe'sui'ccu Na'su Chigama injan'jeñe.’ ”

Canjaen'cho 14:6

Tsonsi faesu Chigama sefacconi'su shondo'suma gi atte. Tsaja sefaccone chhaje'je Chigambe tsangae ñotsse condase'choma poi ande'su aindeccunga condaye. Nane poi na'su manda'cho, poi a'i, poi aya'fa'su, poi andesundeccu pañañe tsu shondo'suja condaye ja.

Canjaen'cho 15:4

Na'su, poiyi'cco tsu Quema ñotsse in'jamba dyoe'sui'ccu Quema ñotsse afa'faya. Nane Queyi qui ño'a. Aindeccuja poi andene jipa tsu Quema ñotsse afa'faya. Nane Que ñotsse tson'choma attepa tsu Quema ñotsse afa'faya.