Isaías 42:1 - Cofán: Chiga Tevaen'jen

¹ “Va'tti tsu ñama shondo'su. Ñajan tisema ñambeve attufaemba angacamba quiñaen. Nane tisei'ccu gi avujatssi. Ña qquendya'pai'ccu tisema in'jaensi tsu poi ande'su aindeccuma ñotsse mandaya.

Isaías 42:1 ပူးပေါင်းရင်းမြစ်များ

Génesis 49:10

Ni majañi'qque tsu Judá manda'je'choma itsaya'bi. Ni tise tiveni an'bian'cho coen quini'ccoma'qque itsa'faya'bi tsa quini'cco na'su jiya'ngae. Tsama tsu poi canqquesundeccu paña'faya.

Salmos 89:4

“Que omba'su dutssiyendeccunga gi tsoña cuintsu tsangae na'suve dapa quia'caen que manda'choma manda'faye.”

Isaías 41:8

“Paña'faja israendeccu, que'i Jacob aindeccu, ña in'jan'cho Abraham omba'su dutssiyendeccu. Ñajan que'ima in'jamba gi attufaen ñama shondosundeccuve.

Isaías 41:9

Nane sefacco já ccutsuni'su andenima gi que'ima ttu'sepa ipa su: ‘Que'i qui ñama shondosundeccu.’ Catimbe'yi gi que'ima injan'jemba ttu'se.

Isaías 42:2

Nane fundoya'bi ni quian'me afaya'bi. Tsaiquini sheque'chonga tise aya'fama pañaeña'bi.

Isaías 52:13

Ñama shondo'suja ñotsse tsu tsoña. Tisema ti'tsse'tssia've tsonsi tsu ñoa'me joccapitssiya.

Isaías 53:11

Injama'choni tsain'bitsse vana'jemba tsu ccase qquendyapa cansepa avujatssiya. Na'suma ño'an shondo'suja tsa'caen atesupa tsain'bio a'ima ccushaemba ño'ame tsomba tise'pa egae tsincon'choma angapa catiya.

Isaías 61:1

Na'suja tisumbeve ñama ttu'sesi tise Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Nane picco'je'ttima fettasi jaya'chone gi condaseya.

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Lucas 3:22

Fettasi Chiga Qquendya'pa ppuppuju'choa'caen attiamba Jesúsnga ande. Tsonsi sefaccone afa'choma paña'fa qquen su'choma: —Que qui ña in'jan'cho Dutssi'ye. Ñoa'me gi quema ñotsse in'jan.

Lucas 4:18

Chiga Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Ñama manda cuintsu binindeccu atte'faye. Ña gi noñangiañesundeccuma ccushaeña.

Lucas 4:19

Na'su Chiga tsu a'ima in'jamba ja'ño fuite'je. Tsane gi condaseye ji.

Lucas 9:35

Ccuttopa'si'ye aya'faja qquen afa: —Vaja ña in'jan'cho Dutssi'ye tsu. Tisema paña'faja.

Juan 16:32

Que canjan. Tayo tsu napiji, nane ja'ñoñiña tsu que'i cca'tti cca'tti attufaccoya'cho ñama tisuveyi catipa. Tsa'ma tisuyimbi gi Chiga ña Quitsa ñai'ccu can'jensi.

Juan 3:34

Nane Chigaja Tise Qquendya'pai'ccu se'pimbe'yi Tise moen'cho Jesúsma in'jaensi tsu pa'tssi Chiga Aya'fama afa'je.

Juan 6:27

Congonqque'su aña'choma in'jan'fajama. Tsa'ma Sefaccone Ji'cho A'i quenga afe'cho tsangae cansiaña'cho anqque'suma ñotsse in'jan'faja. Chiga Quitsa tsu ñama in'jamba tsa'caen afeye manda antte.

Tson'fa'cho 10:38

Toya'caen qui paña'fa ma'caen Chiga Quitsaja Tise Qquendya'pai'ccu Jesús Nasareno'suma in'jaensi tiseja ñotsse tsoñe jacamba poiyi'cco cocoya na'su vanaen'jendeccuma ccushaen. Chiga tisei'ccu can'jensi Jesúsja tsa'caen tson.

Tson'fa'cho 11:18

Tsonsi Pedro condase'choma pañamba ccaningae afambe'yi Chigane ñotsse afapa su'fa: —Ja'ño gi atesu'fa. Chigata tsu israembindeqquianga'qque egae tsincon'choma antteye in'jaña'chove afe cuintsu tsangae canse'faye.

Tson'fa'cho 28:28

Tsa'cansi poiyi'cco ñotsse paña'faja. Ja'ñojan va Chiga ñotsse ccushaeña'chomanda tsu israembindeqquianga'qque condaseya'cho. Tsendeccu tsu ñotsse paña'faya ccushaya'chone.

Tson'fa'cho 9:15

Tsa'ma na'suja Ananíasnga su: —Dyombe jaja. Tsa Saulo tsu ña in'jan'cho, cca'indeccunga ñane condase'su. Tise'pa nasundeccunga'qque, toya'caen israendeccunga'qque tsu ñane condaseya.

Efeso'su 1:4

Tayopi andema toya agattoembi'te Chigaja Tise a'ive ingima in'jamba Cristo ingima ccushaeña qquen in'jamba ingima ttu'se. Tsa'caen in'jamba tsu ingima ttu'se cuintsu ño'ame dapa egae tsincon'cho mechoa've Tisenga attian'faye.

Efeso'su 1:6

Ingija Tise in'jan'cho Dutssi'yei'ccu fae'ngae jincho'fasi Chigaja anttembe'yi ingima ñoa'me ñotsse tson'jen. Tsa'caen ñotsse tson'jensi gi Tisema ñotsse afa'fa.

Efeso'su 3:8

Ñajan poiyi'cco Jesúsve in'jan'chondeccuma utu'ccoa. Cristo an'biamba inginga afeya'choja ñoa'me ti'tsse'tssiasi gi in'jañe osha'fambi injama'cho shacasi. Tsa'ma ñajan utu'ccoasi Chigaja ñama in'jamba antte cuintsu ñajan israembindeqquianga va joccapitssia Jesucristone condase'choma candusiañe.

Filipo'su 2:7

Tise osha'cho Chigai'ccu jincho'cho'ye joqquitssipa poiyi'cco a'ima bove'ccoave da. Nane a'i du'shuve dapa can'jen.

Colosa'su 1:13

Chigaja sinttia'su na'su Satana'ñe ingima ccushaemba Tise in'jan'cho Dutssi'ye Na'su Jesúsnga ingima ca'nian.

1 Pedro 2:4

Na'sunga catse'faja. Tiseja cansia patiaca'on tsu. A'ija tisema chi'ga'fa. Tsa'ma tisenejan ñoa'me ñotsse attiansi Chigaja tisema in'jamba isu.

1 Pedro 2:6

Tsa'cansi tsu Chiga Tevaen'jen'qque su: Zión canqqueni gi a'ima ccutsian. Tsa'o chan'jime ccutsian'cho patiacaen ti'tsse'tssia tsu. Ñoa'me ñotsse attiansi gi tisema in'jamba isu. Tise've in'jan'chondeccuja ñoquimbi'faya'bi tsu.