Isaías 41:10 - Cofán: Chiga Tevaen'jen

¹⁰ Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Isaías 41:10 ပူးပေါင်းရင်းမြစ်များ

Génesis 15:1

Tsama omboe Na'su Chigaja Abramnga attiamba tisema su: —Dyombe canjan Abram. Ña gi quema fuite'su. Ña quenga afeya'choja ñoa'me injan'tssiya tsu.

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Génesis 31:5

Ji'fasi su: —Tayo gi atesu que'i yaya tayoe ñama in'janqquia'caen in'jambipa chi'ga'chove. Tsa'ma ña yayambe Chiga tsu anttembe'yi ñama fuite'je.

Génesis 49:24

Tsa'ma Joséja tise tive quin'amba oyambitsse tise battittianccuma indipa poini battittian'jen. ¡Ñotssi tsu Jacobmbe Chiga Osha'choma Oshacho'cho! ¡Ñotssi tsu coira'sumbe inise. Tise tsu israendeccuma angacan!

Éxodo 14:13

Tsa'ma Moisésja tise'panga su: —Dyombe can'faja. Ñotsse in'jamba caña'jen'faja Na'su Chiga que'ima ccushaeña'choma. Nane minga'ni'qque qui ja'ño que'i atte'cho egiptondeccuma ccase atte'faya'bi.

Éxodo 20:20

Tsonsi Moisésja su: —¡Dyombe can'faja! Chigata tsu ji ingima atesucañe. Ñoa'me dyo'ta gi tisema dyoe'sui'ccuyi injan'jemba egae tsincombe canse'faya.

Isaías 52:7

Ñocca'tsse tsu attian ñotsse condase'choma ipa ccotta'cco'ye buttopa jiña'su. Nane opatsse canseya'cho aya'fama tsu i. Na'su Chiga ingima ccushaen'chone condasepa tsu Ziónga conda: “¡Que Chigaja Na'su tsu!”

Daniel 6:16

Tsa'caen su'fasi na'suja manda cuintsu Danielma ipa ttesi changonga ttova moe'faye. Tsa'ma toya tsa'caen tson'fambi'te na'suja Danielnga qquen su: —Que Chiga, tsa que ñoa'me in'jamba tsain'bitsse shondocan'cho, tsu quema ccushaeña.

Oseas 1:9

Isusi Na'suja Oseasma afapa su: “Va du'shuma Lo-amime inisiaña'cho, que'ija ja'ño ña a'imbi qquen suye. Toya'caen ñajan que'i Chigambi gi.”

Zacarías 13:9

Ña anttesi toya canse'chondeccuma gi si'nge'ye panshaenqquia'caen vanaeña. Tsa'caen tsomba gi tise'pama giyaeña, totoacorima tssutssiamba giyaenqquia'caen. Ñoa'me coriama'caen gi tise'pama si'ngei'ccu giyaeña. Giyaensi tsu ñama iñajan'faya. Iñajan'fasi gi tise'pama pañaña. ‘Tise'paja ña aindeccu tsu’ qquen ña susi ‘Na'suja ingi Chiga tsu’ qquen tsu su'faya. Ña, Na'su Chiga, gi tansintsse conda.”

Lucas 1:13

Tsa'ma Chigama sefacconi'su shondo'suja tisema su: —Dyojama Zacarías. Tayo tsu Chiga Quitsaja que iñajan'choma paña. Que pushe Elisabetja tsandie du'shuve tsu isuya. Tisema qui inisian'faya Juanme.

Lucas 1:30

Tsa'caen dyosi Chigama sefacconi'su shondo'suja ti'tsse condase: —Dyombe canjan, María. Chigaja ñoa'me quema ñotsse in'jan.

Romanos 8:31

Tsa'caen tso'ninda ¿jongoe qquen gi su'faya? Chiga ingima in'jan'ninda ¿majan tsu ingima patsuyeja osha?

2 Corinto'su 12:9

Tsa'ma Na'suja ñama su: “Naniña tsu Ña quei'ccu can'jensi. A'i vana'jensi gi ñoa'me tisema fuiteye osha.” Na'su qquen susi gi vana'je'an'qque avujatsse afa'je. Nane vana'jemba gi avujatsse afa'je cuintsu Cristo ñai'ccu can'jemba ti'tsse ñama fuiteye.

Efeso'su 3:16

Chigama gi iñajan cuintsu Tiseja joccapitssia osha'chone ti'tsse a'tatssiapa que'inga Tise Qquendya'pama antteye. Tsa'caen anttesi que'i injama'choma quiñaensi qui quinsetsse canse'faya.

Filipo'su 4:13

Cristo ñama fuitesi gi osha'choma oshacho.

Josué 1:9

Ña gi manda: Dyombi'tsse quinse'tsse ccutsuja. Dyojama ni ñoquimbijama. Nane ña, que Na'su gi mani jacan'ni'qque fae'ngae quei'ccu jacaña.”

Jueces 6:16

Tsa'caen susi Na'suja su: —Ña quei'ccu can'jensi qui pa'cco ña manda'choma oshaya. Nane madiandeccuma qui patsuya fae a'ima tssai amppian moenqquia'caen.