Isaías 40:5 - Cofán: Chiga Tevaen'jen

⁵ Tsonsi Na'su Chiga tise ñotssiama canjaensi tsu poi aindeccu fae'ngae tsama atte'faya. Na'suyi tsu tsa'caen conda.”

Isaías 40:5 ပူးပေါင်းရင်းမြစ်များ

1 Reyes 14:11

Majan que'su aindeccu canqqueni can'jemba pa'ninda tsu ain an'faya. Toya'caen majan nasipa jin'tti can'jemba pa'ninda tsu ccompana an'faya. ¡Qquen gi ña, Na'su Chigaja su!’

Salmos 97:6

Sefaccoma camba tise tansintsse manda'chone in'jan'fa. Poi aindeccu tise ñotssiama atte'fa.

Éxodo 16:7

Toya'caen tu'i sinte qui atte'faya Na'su Chigambe ñotssiama. Nane tayo tsu paña que'i tisema afase'choma. ¿Ñoa'me ingima afase qquen in'jamba ti qui ingima afase'fa?

Isaías 1:20

Tsa'ma ñama chi'gapa pañambi'ta qui enemigondeccui'ccu geraemba pa'faya.” Tsa'caen tsu Na'suja su.

Isaías 11:9

Me'i'on tsu jongoesu dañoqque'su ña in'jan'cho ccotta'cconi can'jeñe. Nane tsa'ccu marnga on'baqquia'caen Na'su Chigane in'jan'choja poi aindeccumbe injama'chonga on'baya cuintsu tise've in'jan'faye.

Isaías 40:4

Sinjunccumajan oviviya'cho. Ccotta'ccomajan joqquitssiamba sefaccoa andema fae'ngaeña'cho. Tsaiqui cca'rutticcoa'ma tansiaña'cho. Ande ccutticcoa'ma ovivipa fae'ngaeña'cho.

Isaías 52:10

Poi ande'su aindeccu caña'jen'ni Na'su tise oshacho'choma canjaensi tsu poi andesundeccu ingi Chiga ingima ccushaen qquen in'jan'faya.

Isaías 6:3

Chhaje'jepa tsu tisupapora qquen su'fa: “¡Ñotssia, ñotssia, ñotssia tsu Na'su Osha'choma Oshacho'cho Chigaja! Nane pa'cco ande tsu tise ñotssiai'ccu on'ba.”

Jeremías 32:27

“Ña gi Na'su, Osha'cho Cansian Jinchombe Chiga. Me'i'on tsu ña oshambi'choa've.

Joel 2:28

Tsa'caen da'fasi gi poi aindeccunga ña Qquendya'pama moeña. Que'i dutssiyendeccu, que'i onquengendeccu'qque tsu ñane afa'faya. Que'i chu'a tsandiendeccuja sefani'su attian'choma tsu atte'faya. Que'i coenzandeccuja ayó'pae tsu ayo'o'faya.

Miqueas 4:4

Tsa'ma poi a'i opatsse cansepa tisupa o'fa tsaja ccaqueje tumbianccuni, tsambi'ta tisupa higuera tsosiccuni dyai'faya. Na'su Osha'choma Oshacho'cho tsa'caen susi ¿majan tsu tise'pama dyoñaña?

Lucas 2:32

Nane tiseja israembindeqquianga attiansi tsendeccu'qque queve in'jan'faya. Tise'qque israendeccu'susi israendeccuja ti'tsse'tssia've dapa avujatssi'faya.

Lucas 3:6

Nane tsa'caen tsu injama'choma ñoñaña'cho poiyi'cco a'i Chiga tise'pama ccushaeña'choma in'jañe.”

Juan 1:14

Chiga Aya'faja a'ive dapa ingi'ccu can'jen. Tiseja ti'tsse'tssiasi gi atte'fa. Nane Chiga Dutssi'yeyi tsu tsa'caen ti'tsse'tssia. Tiseja osha'cho ñotssiaveyi tsomba tansintssia'veyi conda.

Juan 12:41

Tsa'caen tsu Isaíasja su. Nane Jesúsja ti'tsse'tssiasi atesupa tsu tisene tsa'caen afa.

Juan 17:2

Queja ñama qui poi a'imbe na'suve tson cuintsu ñajan tsangae canseya'choma afeye majama que in'jamba ñanga afe'chondeccunga.

Tson'fa'cho 2:17

Chigaja su: —Osefaeña'cho a'ta napi'nijan poi aindeccunga gi Ña Qquendya'pama moeña. Que'i dutssiyendeccu, que'i onquengendeccu tsu Ñane afa'faya. Que'i chu'a tsandiendeccuja sefani'su attian'choma tsu atte'faya. Que'i coenzandeccuja ayó'pae tsu ayo'o'faya.

2 Corinto'su 3:18

Tsa'cansi gi poiyi'cco cambajuma fanangombe'yi canccoa'caen Na'su a'tatssia'ma attepa canjaen'fa. Ingi'qque Tisia'caen a'tatssia've gi da'fa. Ja'ño re'ricco a'tatssia've dapa jai'ngae gi ti'tsse tisia'caen a'tatssia've da'faya. Nane Na'suve in'jansi Tise Qquendya'paja tsa'caen in'jaemba ingima ñotsse tson'jen.

2 Corinto'su 4:6

Chiga Quitsaja coejechigave agattoemba su: “Cuintsu sintssia'ye a'tatssia've chanjuñe.” Tsa Chigayi tsu ingi injama'choma'qque chanjienqquia'caen a'tatsse in'jaen cuintsu ingija Jesucristo cambajuma attepa Chiga a'tatssia've atesu'faye.

Hebreo'su 1:3

Dutssi'yeja tsa'caen an'biamba tise joccapitssia aya'fai'ccu tsu osha'choma tansintsse manda'je. Chigaja a'tatssipa joccapitssiasi tise'qque tsa'caen joccapitssia tsu. Ma'caen Chiga jincho'nijan tise'qque tsa'caeñi tsu jincho. A'i egae tsincon'chone ccushaeña'choma nanimba tsu tiseja Chiga sefacconi ansundepa Chiga tansinfanga dyaipa Chigai'ccu manda'je.

Canjaen'cho 21:23

Ni coejechiga ni cose'suchiga'qque chanjumbi. Nane Chigayi tsu a'tatsse pa'ccoma chanjien. Oveja'qque poimbe tuño tsu.