Isaías 40:28 - Cofán: Chiga Tevaen'jen

²⁸ ¿In'jan'fambi ti qui? ¿Paña'fambi ti qui? Na'suja tsangae canse'cho Chiga tsu. Nane va ande'su osha'choma agattoen'su tsu. Quimbimbe'yi can'jemba ño'faye atesumbi. Tise in'jan'choja ñoa'me joccapitssia tsu, a'i atesumbi'choa.

Isaías 40:28 ပူးပေါင်းရင်းမြစ်များ

Génesis 21:33

Ja'fasi Abrahamjan tseni tamarisco quini'jima jon. Quini'jima jomba Tsangae Canse'cho Na'su Chiga Quitsama iñajan.

Job 38:18

¿Asi'ttaemba in'jambi ti qui ande mi'nge'tssi attaja'suve? ¡Que ñoa'me osha'choma atesu'ta ñanga tsama condaja!

Isaías 42:4

Quimbiya'bi ni ñombi'yeya'bi poi andema ñotsse tansintsse mandaya'ngae. Nane mar'su anttepo'cho'su aindeccu'qque tise ñotsse mandaya'chove ronda'je'fa.”

Isaías 59:1

Na'su Oshacho'choja ingima ccushaeñe oshambi'bi tsu inginga nepipa ingima ccushaeñe. Ni tsosinambia'caen ingima pañañe oshambi'bi tsu.

Marcos 16:14

Tsomba omboe Jesúsja tisema once shondosundeccunga attian mesani an dyai'fa'chonga. Tsa'caen attiamba tise'pa in'jan'fambi'choane iyu'u. Nane cca'i attepa, “tayo qquendya” qquen conda'fasi injama'cho shacapa in'jan'fambi'choane tise'pama iyu'u.

Marcos 9:19

Jesús pañamba su: —¡Ay, que'ija injienge'fambi! ¿Min'ge'e gi que'i'ccuta can'jeña? ¿Min'ge'e gi tsuin'da angacaña? ¡I'faja du'shuma!

Lucas 24:25

Tsonsi Jesúsja tise'pama su: —¡Tsosinambi'fa qui! Ñoa'me qui injama'cho shaca'fa osha'cho Chiga Aya'fama afasundeccu su'choma in'jañe.

Juan 14:9

Jesúsja tisema su: —Felipe, va pa'tsse que'i'ccu can'jen'ma ¿toya ti qui ñama atesumbi? Majan ñama atte'ta Chiga Quitsama'qque tsu atte'fa. ¿Ma'caen qui ja'ñojan su: “Chiga Quitsama inginga attianjan.”?

Juan 5:17

Tsa'ma Jesúsja tise'pama su: —Ña Yaya ja'ño pan sema'jensi gi ña'qque sema'jen.

Tson'fa'cho 13:47

Nane tsane tsu Na'suja ingima qquen manda: Ña gi que'ima tuño attianqquia'caen poi israembindeqquianga canjaeña. Que'i'ccu gi poi biani'su ande'suma'qque ccushaeña.

Romanos 16:26

a'ija paña'fa. Chiga Aya'fama afasundeccu va ñotsse condase'choma tevaen'fasi poi andesundeccu ja'ñojan a'tatsse paña'fa. Tsa'caen tsu Chigaja in'jamba manda cuintsu poiyi'cco a'i Tise'veyi in'jamba paña'faye. Chigaja tsangae can'jemba tsangae tsu canseya.

1 Corinto'su 2:16

Nane Chiga Tevaen'jen tsu su: “¿Majan tsu Na'su Chiga in'jan'choma atesupa Tisema atesiañe osha?” Me'i'on, tsa'ma Cristo ingima in'jaensi gi tisia'caen atesupa in'jan'fa.

1 Corinto'su 6:16

¿Atesu'fambi ti qui majan tsandie tisu ai'voi'ccu gana'su pushesui'ccu in'jangae canse'ta tisei'ccu fae name tsu da'fa? Tsa'caen tsu Chiga Aya'fa su: “Tsa dos fae name tsu da'fa.”

1 Corinto'su 6:19

¿Atesu'fambi ti qui ma'caen que'i Cristo a'ive dasi Chigaja que'inga afe Tise Qquendya'pama? Chiga tsa'caen afesi que'i ai'voja Chiga Qquendya'pa can'jen'tti tsu. Chiga Qquendya'pa que'inga ca'nimba que'i ai'voni can'jen. Tsa'cansi que'i ai'voja que'imbembi tsu.

1 Corinto'su 6:9

Toya'caen atesu'fambi ti qui Chigaja poimbe Na'suve dapa mandasi egae tsinconsundeccuja Tise osha'cho ñotssiama isu'faya'bi. Qquesa'ne ñotsse in'jan'faja. Chiga Na'suve attiansi tsandie, pushesu casarambe'yi fae'ngae can'jensundeccuja Chigani jaye osha'fambi. Ni ñoña'cho chiga'ca'me in'jan'chondeccu, ni tsa'ndu, pushe, tise'pa antte'choma catipa cca'i'ccu can'jensundeccu, ni tsandiendeccu majan cca'i tsandiei'ccu fae'ngae egae cansesundeccu Chigani jaye osha'fambi.

Filipo'su 1:6

Chiga Quitsaja que'ine ñotssiave ñoñañe tayo ashaen. Tsa'cansi ñoa'me gi su: Chigaja ashaemba tsu que'ima fuitepa angacaña cuintsu Jesucristo jisi ñotsse naningeye.

1 Timoteoga 1:17

Na'su Chiganga gi ñotsse afa'fa. Ñoa'me tsu Na'suja ñotssia. Tsangae can'jemba tsangae Na'su tsu. Tiseja pa'masia, atte'masia tsu. Faesu chigave me'i'on. Tsangae tsu Tiseja ñotssia. Tsangaeyi.

Hebreo'su 9:14

ñoa'me tsu Cristombe anjampaja ti'tsse bare. Cristoja egae tsincon'masia. Tsangae Jincho'cho Chiga Qquendya'pa tisema quiñaensi se'pimbe'yi, ñotssia oveja sintti'ccoave mechoqquia'caen, tisuma Chiganga afeye pa. Papa tisu anjampai'ccu ingi injama'cho egae tsincon'choma tsangae giyaen. Tsa'caen giyaensi gi tsa egae tsincon'choma aqque'paye osha'fa. Ingi semamba osha'choma afe'choja ingima giyaeñe oshambipa ñoa'me barembi tsu. Tsa'ma Cristo ingima giyaensi gi avujatsse Ñoa'me Cansia Chigama pañamba Tise in'janqquia'caen canse'fa.