Isaías 29:14 - Cofán: Chiga Tevaen'jen

¹⁴ Tsa'cansi gi ccase osha'cho ña canjaen'choma canjaeña cuintsu va aindeccu bo'yo'e dapa camboen'faye. Nane ña ti'tsse'tssiama attepa tise'pa ñotsse tson qquen in'jan'cho tsu pasaya. Tise'pa'su injama'pandeqquia in'jamba in'jan'cho'qque tsu pasaya.”

Isaías 29:14 ပူးပေါင်းရင်းမြစ်များ

Job 5:13

Na'su Chigaja injama'pandeqquiama tise'pa injan'choi'ccu tsu qqueñaña. Tise'pa asi'ttaemba in'jan'choma'qque tsu sefaeña.

Jeremías 19:7

Vani osha'cho Judá'su, toya'caen Jerusalén'su asi'ttaemba in'jan'choma gi qqueñaña. Ña anttesi tsu tise'pa enemigondeccu tise'pama patsupa fittitti'fasi ccompana, osha'cho tsampi'su putsa'su jipa tise'pa ai'voma an'faya.

Lucas 10:24

Ñoa'me gi su: Tayopi'su nasundeccu, tayopi'su Chiga Aya'fama afasundeccu'qque que'i atte'choma atteye in'jan'ma osha'fambi. Que'i paña'jen'choma pañañe in'jan'ma osha'fambi.

Romanos 1:28

Tsendeccuja Chigama atesuye in'jambisi Chigaja tise'pama cati cuintsu injama'choni osha'cho egave in'jan'faye. Tsa'cansi tsu tsendeccuja Chiga in'jambi'choa've tsincon'fa.

1 Corinto'su 3:19

Va ande'su a'i osha'choma atesupa in'jan'choja ñoa'me sumbi tsu. Qquen tsu Chigaja va ande'su in'jan'choma su. Chiga Tevaen'jen qquen tsu su: “Na'su Chigaja injama'pandeqquiama tise'pa in'jan'choi'ccu tsu qqueñaña.”