Isaías 11:6 - Cofán: Chiga Tevaen'jen

⁶ Tsequi a'ta putsa'su ain, oveja du'shui'ccu fae'ngae opatsse canse'faya. Toya'caen ttesi, chivo du'shui'ccu fae'ngae ana'jen'faya. Nane vaura du'shu, cuvottesi'qque fae'ngae coen'faya. Toya'caen tsu antte'faya a'i du'shu cuintsu tise'pama coirapa angacañe.

Isaías 11:6 ပူးပေါင်းရင်းမြစ်များ

Isaías 65:25

Putsa'su ain, oveja'qque fae'ngae ccuipa shoshovima an'jen'faya. Ttesi'qque vaura'caen shoshovi sambama an'jeña. Tsa'ma iyota tsu andema amba canseya. Nane pa'cco ña ñotssia ccotta'cconi'qque jongoesu dañoña'choja jinchoya'bi.” Na'su tsu tsa'caen su.

Oseas 2:18

Tsequi a'ta gi tsampini jacanqque'sui'ccu injancco'faya'chove tsoña cuintsu antte'faye israendeccu tise'pai'ccu opatsse canse'faye. Nane sefani jacanqque'su, andeni manguqque'sui'ccu tsa'caen injancco'faya'chove gi tsoña. Toya'caen gi sundaro battittianccu, matichima'qque itsapa gerama se'piya cuintsu israendeccu ppimppintsse ana'jen'faye.

Romanos 14:17

Chigaja ingi na'suve dapa osha'cho asettu'choma in'jambi. Tsa'ma Tise Qquendya'pa inginga ca'nisi ñotsse canseya'cho. Tisupaporai'ccu opatsse avujatsse canse'faye tsu Tiseja in'jan.