Isaías 11:4 - Cofán: Chiga Tevaen'jen

⁴ Tsa'ma tansintsse mandapa ñoquimbindeqquia'ma fuiteya. Tise ande'su va'chandeccu injan'jeña'cho itsayesa'ne'qque coiraya. Tise afa'choja quini'ccoa'caen egae tsinconsundeccuma ma'ppiya. Nane tise aya'fai'ccu ufa'choja egandeqquia'ma fi'ttiya.

Isaías 11:4 ပူးပေါင်းရင်းမြစ်များ

Job 4:9

Chigaja tsama iyicca'yepa tsangae nanimba ufaqquia'caen ufa sefaeña.

Salmos 110:2

Na'su Chiga quema ti'tsse quiñaesi qui Zión'ñe bianima mandaya cuintsu quema iyiccayesundeccu quema paña'faye.

Salmos 2:9

Yoshava'ccoi'ccu quian'me mandapa qui ande nasundeccuma patsuya. Nane apima ochhai doñaqquia'caen qui tise'pama naniaña.”

Isaías 1:17

¡Ñotsse tsoña'chove atesu'faja! Pa'cco que'i quin'sui'ccu ñotssiama tson'faja. Nane va'chama fuitepa toya'caen tise yaya pasi isuya'choma se'pi'fajama. Tsandupajen'choma'qque fuite'faja faesu tise'bema cca'nasa'ne.”

Isaías 40:7

Na'su Chiga tise aya'fai'ccu ufasi shoshovi pandisi te'ta'qque pandipa shequeya. Ñoa'me tsu a'ija shoshovia'caen pandi'faya.

Isaías 61:1

Na'suja tisumbeve ñama ttu'sesi tise Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Nane picco'je'ttima fettasi jaya'chone gi condaseya.

Isaías 9:7

Na'su David dyaipa'chonga dyaipa tsu poi ande'su aindeccuma mandaya. Nane ñotsse mandasi majañi'qque tisema joqquitssiañe oshambisi poiyi'cco a'i tsu asi'ttaembe'yi opatsse canse'faya. Nane tansintsse mandapa poi a'inga tise'pa cansepa injienge'choma antteya. Ja'ño tsa'caen mandapa tsangae tsu tsa'caen mandaya. Nane Na'su Osha'choma Oshacho'cho Chigaja ñoa'me in'jamba tsu tsa'caen tsoña.

Jeremías 33:15

Tsequi a'ta nepisi gi David omba'su dutssi'yema ande na'suve ccutsiaña. Tiseja ñotsse in'jamba ñotssiaveyi tsomba tansintssia'veyi mandaya.

Oseas 6:5

Tsa'cansi ña aya'fama afasundeccu afa'choi'ccu gi que'ima chattuqquia'caen dañomba ña aya'fai'ccu que'ima fi'tti. Nane tsanda veyaenqquia'caen gi cushoan'me a'ima injama'choma somboeñe atesu.

Malaquías 4:6

Tise afasi yayandeccu tsu tise'pa dushundeccui'ccu ñoquicco'faya. Tsa'ma que'i tisema pañambian'da gi va andema da'ño sefaeña.”

Mateo 11:5

Binindeccu tsu atte'fa. Ccutsumbindeccu tsu tsui jacan'fa. Na congomba pajisundeccu tsu giya'tsse ccushapa ja'fa. Tsonsinambindeccu tsu paña'fa. Nane pajin ccui'chondeccu ccase tsu qquendya'fa. Va'chandeccu'qque ñotsse condase'choma tsu paña'fa.

Mateo 5:5

Que'i majan injama'choni cca'ima patsumbe'yi can'jen'da ñoa'me qui avujatssi'fa. Pa'cco andema que'inga afesi isupa qui manda'faya.

Tson'fa'cho 9:1

Felipe tsa'caen tson'jen'ni Sauloja toya iyiccaye'jepa Na'su Jesúsve in'jan'chondeccuma fi'ttiye in'jamba Chigama afa'su na'suni ja.

2 Corinto'su 10:1

Cristoja panshaen mandambi. Tsa'ma ñotsse vasuitsse a'ima iñajan. Ña'qque tsa'caen que'ima iñajan. “Pablo ingi'ccu can'jemba quia'me candusiambipa ja'ño biani japa dyombi'tsse quia'me candusiamba tevaen'jen” qquen qui in'jan'fa.

Galacia'su 5:23

patsumbe'yi opatssi'fa; tisu injama'cho, tisu ai'voma tansintsse in'jamba canse'fa. Nane manda'choja se'pimbi tsa'caen canse'faye.

2 Tesalónica'su 2:8

Se'pi'su joqquitssisi egae tsincon'su tsu attiaña. Attiansi Na'su Jesúsja Tise aya'fa'su qquendya'pai'ccu tsama fi'ttiya. Nane Jesúsja tise jiña'cho a'tatsse chanjunsi ñoa'me tsa egae tsincon'suma patsupa tsangae nepiaña.

Titonga 3:2

Toya'caen tise'pama candusianjan cuintsu cca'indeccune egae afambe'yi can'jen'faye; nane opatsseyi afaccombe'yi cansepa poiyi'cco a'ima ñotsse in'jan'faye. Patsumbe'yi tsu poiyi'cco a'ima ñotsse tson'faya'cho.

Santiago 3:13

¿Can'jembi ti que'i'su majan in'jamba atesu'cho? Tsaja ñotsse in'jamba patsumbe'yi ñotsse canseya'cho tise atesu'choma canjaeñe.

Canjaen'cho 1:16

Tansinfa'su tiveni siete o'fema tsu i'su. Tise aya'fa'ye tsu tsuintssia matichi, poifama tsuiña'cho, sombo eje. Tise camba'ju'qque coejechiga'caen a'tatsse quia'me chanjun.

Canjaen'cho 19:11

Tsomba gi Chiga sefacco fettaye'choma attepa totoa cavayoma'qque atte. Cavayonga dyaipa jacan'sumbe iniseja “Tansintsse Su'su.” Toya'caen “Tise Suqquia'caen Tson'su.” Tiseja ñotsse in'jamba tsu a'i injama'choma tansintsse somboen'jen. Ñotsse in'jamba tsu ñotsse mandapa geraen'jen.

Canjaen'cho 19:15

Na'sumbe aya'fa'ye tsuintssia sundaro matichi sombo eje. Tsai'ccu tiseja poi ande'su nasundeccuma iyiccopa patsuya. Ñoa'me tiseja yoshava'ccoi'ccu tsendeccuma quia'me mandaya. O'fa tsajama tsui'je'cho changonga tsui chapianqquia'caen tiseja poimbe injama'choma somboeña. Chiga Quitsa tsu ñoa'me a'ima iyicca'yepa tsa'caen vinoma somboenqquia'caen tise'pa injama'choma somboeña.

Canjaen'cho 2:16

Tsa'cansi que egae tsincon'choma catija. Catimbian'da gi jipa ña aya'fa'ye sombo eje'cho matichi'ccu tsendeccui'ccu iyicco'faya.