Isaías 11:3 - Cofán: Chiga Tevaen'jen

³ Tiseja jo'su tso'fei'ccuyi camba ni tsosinai'ccuyi pañamba in'jamba afaya'bi.

Isaías 11:3 ပူးပေါင်းရင်းမြစ်များ

1 Reyes 3:9

Tsa'cansi in'jan gi ña quema shondo'sunga que afesi ñajan jongoesu tsu ñotsse tson'cho qquen in'jamba, jongoesu tsu egae tson'cho'qque in'jañe. Nane tsa'caen in'jamba gi que aindeccuma ñotsse mandaya. Nane tisuyi gi oshambi va que in'jan'cho aindeccuma mandaye.”

Miqueas 4:3

Na'suja poi biani'su canqquema camba in'jaña majan ñotssia, majan ega've. Tsa'caen in'jamba tsu tise'panga ma'caen tsoña'chove in'jan. Nane tsendeccu tsu tise'pa sundaro matichima andema pa'fuqque'suve tson'faya. Tise'pa oma'ccoma'qque tetajin'su ttembama cha'ttuqque'suve tson'faya. Minguite tsu fae ande faesu ande'sui'ccu ccase geraen'faya. Nane aindeccuma'qque atesian'fayambi sundarondeccuve.

Lucas 2:52

Jesúsja ti'tsse coemba osha'choma atesu. Poi a'i tisema ñotsse in'jan'fa. Chiga Quitsa'qque tisema ñotsse in'jan.

Juan 2:25

Nane Jesúsja poimbe injama'cho ma'caen jincho'choma atesuchosi tsu me'i'on tisenga ti'tsse a'ine conda'suve.

Juan 7:24

Aqquia injanga camba ñama afase'fajama. Tsa'ma ñotsse camba atesupa tsu afa'faya'cho.

Hebreo'su 5:14

Tsa'ma coenzandeccuja aña'choma añe osha'fa. Tsa'can'fa tsu Cristove in'jamba injama'choni tayo coenqquia'caen ñotsse canse'chondeccuja. Nane tsendeccuja ega've atesupa chi'gapa ñotssiama atesupa tsomba tise'pa injama'choma tsa'caen ñoña'fa.

1 Samuel 16:7

Tsa'ma Na'su Chigaja tisema su: “Ni tise camba'ju ni tise quin'suma canjama. Nane tayo gi tisema joqquitssian, a'i canqquiacambi tsu ña a'ima caña'jen'cho. Nane a'ija camba'juma caña'jen. Tsa'ma ñajan a'i injama'cho'su in'jan'choma caña'jen.”