Isaías 1:15 - Cofán: Chiga Tevaen'jen

¹⁵ Que'i tivema yasapa ñanga iñajansi gi tsama cañe chi'gapa ccafanga piyi. Mapán bia'ave ñama iñajan'ni'qque gi ñajan que'ima pañambi.

Isaías 1:15 ပူးပေါင်းရင်းမြစ်များ

1 Reyes 8:22

Tsa'caen supa poi israendeccu caña'jen'ni na'su Salomónjan Na'su Chiganga afe'je'ttinga catsepa tise tivema sefani yasapa

1 Reyes 8:54

Salomónjan tsa'caen Na'su Chigama iñajamba afe'je'ttima camba tsutta'choi'ccu puntssan dyai tise tivema sefacconingae yasapa. Iñajan nanimba

Éxodo 9:29

Tsonsi Moisésja su: —Pan va canqque'ye sombopa japa gi ña tivema sefaningae yasapa Na'su Chigama iñajaña. Tsonsi tsu tsandapandaquima pasaemba tsandama'qque pasaeña cuintsu que'i pa'cco va andeja Na'su Chigambe qquen in'jan'faye.

Mateo 23:13

¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Sombo'ttima piccoqquia'caen qui se'pi'fa cca'indeccu Chigave in'jamba Tisema na'sian'cho aindeccuve da'fasa'ne. Nane que'ija Chiga sefacconi ca'nimbipa cca'indeccu ca'niñe in'jan'fasi qui tise'pama se'pi'fa.

Mateo 6:7

Chigama iñajan'jen'da panshaen toeveyi injanga afa'fajama. Chigave atesumbindeqquiaja tsa'caen afa'fa. Ti'tsse toeveyi afasi Chiga ti'tsse paña qquen in'jamba tsa'caen afa'fa.

Juan 9:31

Tayo gi ñotsse atesu'fa Chigaja egae tsinconsundeccuma pañambi. Tsa'ma poiyi'cco majan Tisema in'jamba Tise in'janqquia'caen tso'ninda tsu Tiseja tsendeccuma paña.

1 Timoteoga 2:8

Tsa'caen condapa gi in'jan cuintsu tsandienaccuja mani can'je'an'qque egae tsincombe'yi tise'pa tivema Chiganga ya'sapa Tisema iñajan'faye. Iyicca'yembe'yi ni cca'i'ccu afaccombe'yi tsu Chigama iñajan'faya'cho.