Isaías 1:13 - Cofán: Chiga Tevaen'jen

¹³ Ti'tsse i'je'fajama que'i afe'je'cho barembi'choama. Tsama oque oraen'fasi tsu ñane'jan tssu'jutssi. Chiga ccaccove ancansi, sema'ma'quia a'ta ji'ninda qui aindeccuma ttu'se'fa cuintsu fiestaemba ñama iñajan'faye. Tsa'ma que'i tsa'caen fiestaen'an'qque toya egae tsincomba canse'ninda gi avujatssiya'bi.

Isaías 1:13 ပူးပေါင်းရင်းမြစ်များ

Salmos 78:40

A'i menia can'jemba tise'pa in'janqquia'caen tsain'bitsse tsomba Na'su Chigama pañambipa tisema ñoquimbian'fa.

Éxodo 12:16

Toya'caen aishe a'ta, septimo a'ta'qque tsu poiyi'cco a'i Chiganga bo'faya'cho. Tsequi a'taja sema'ma'quia a'ta tsu. Nane jo'su que'i anqque'suveyi tsu ñoñamba faesuve ti'tsse sema'masia.

Mateo 15:9

Injanga tsu ñama iñajamba ñotsse afa'fa. Tise'pa atesian'cho'qque a'i asi'ttaemba manda'cho tsu.

Lucas 11:42

¡Tsa'ma vana'faya qui fariseondeccu! Que'ija osha'choma fae decimoveyi Chiganga afeye atesu'fa Tisema avujaeñe. Nane pa'cco ccoma, pa'cco shinccapama'qque qui fae decimoveyi Chiganga afeye atesu'fa. Tsa'ma ñotsse qui tson'fambi ni Chiga a'ima in'janqquia'caen in'jan'fambi qui. Que'i Chiganga afe'je'choma aqque'pambe'yi a'ima in'jamba ñotsse tson'faya'cho.

1 Corinto'su 11:17

Toya'caen ja'ño ti'tsse tevaemba gi que'ine ñotsse afaye oshambi. Que'ija Na'su Jesús an'jen'choma añe bopa fuiteccombipa qui ñoa'me dañoge'fa.

Efeso'su 4:30

Egae canse'fajama Chiga Qquendya'pa ingine ñombi'yesa'ne. Nane ingija Cristove in'jansi Chiga Qquendya'pa ingima angacan'su tsu. Ingima qqueñambe'yi angacañe tsu in'jan ccushaeña'cho a'ta napiya'ngae.

Filipo'su 1:15

Ñoa'me tsu majan a'i tisupa injama'choi'ccu ñama se'pipa patsuye in'jamba Cristone candusian'jen'fa. Tsa'ma cca'indeccuja ñama fuiteye in'jamba Cristone candusian'jen'fa.