Hebreo'su 7:9 - Cofán: Chiga Tevaen'jen

^9-10 Nane Levisundeccuja decimove Chigambe isu'fa. Tsa'ma tise'pa toya meinte coenza Abrahamjan Melquisedecma cachuipa decimove Chigambe tisenga afesi tayo tisei'ccu fae'ngae jinchoqquia'caen tise'pa'qque fae'ngatsse afe'fa. Nane tsa'caen tsu ccashe'ye Abrahami'ccu fae'ngae jinchoqquia'caen tisei'ccu fae'ngae canjaen'fa Melquisedecja ti'tsse'tssia.

Hebreo'su 7:9 ပူးပေါင်းရင်းမြစ်များ

Génesis 14:20

Nane Sefacconi'su Joccapitssia Chiga ñotssipa quema fuitesi quema iyiccayesundeccuma patsu'ta tisema ñotsse afa'faja.” Tsa'caen susi Abramjan tise patsupa itsapa angaji'choma fae chonga'ccoeyi Melquisedecnga afe.

Mateo 7:8

Poiyi'cco majan Chigama iñajan'da tsu isu'faya. Poiyi'cco majan Chiganima jongoesuve tta'tta'ta tsu atte'faya. Poiyi'cco majan tssai jeña'ninda Na'su Chiga tsu fettaya cuintsu ca'niñe.

Romanos 5:12

Fae a'i, Adán, egae tsinconsi me'ttia'ye tsu egae tsincon'choja va andeni ashaen. Egae tsincon'cho tsa'caen ashaensi tsu a'i paya'chove'qque ashaen. Tsonsi tsu poiyi'cco a'i pa'fa. Nane poiyi'cco egae tsincomba tsu tsa'caen pa'fa.

Hebreo'su 7:4

Ñotsse in'jan'faja. Ingi tayopi'su coenza Abraham can'jemba pasi tisema omba'su israe aindeccu'su Leví dutssiyendeccu tsu Chigama afasundeccuve da'fa. Chiga mandasi tsu poi israendeccu an'bian'choma enttingeve fae decimoveyi Chigambe isu'fa. Nane poi israendeccu tise'pa antiandeccu tsu. Tise'pa'qque Abraham omba'su dutssiyendeccusi toya tsu tsendeccumbema'qque Leví a'ija tsa'caen isu'fa. Tsa'ma Chigama afa'su Melquisedecja joccapitssia tsu. Joccapitssiasi ingi tayopi'su coenza Abrahamjan tisu geraemba ñotssiama itsa'choma attufaemba decimove Chigambe Melquisedecnga afe.

Hebreo'su 7:8

Levisundeccuja a'ine Chigama afasundeccupa decimove Chigambe isu'jepa can'jemba pa'fa. Tsa'ma Melquisedec decimove Chigambe isupa can'jemba joqquitssiambipa toya canseqquia'can tsu. Tsa'caen tsu Chiga Aya'fa tisene condase.