Hebreo'su 4:9 - Cofán: Chiga Tevaen'jen

⁹ Tsa'cansi ja'ño toya tsu Chigaja in'jan cuintsu Tise aindeccuja Tisei'ccu tsangae opatsse canse'faye.

Hebreo'su 4:9 ပူးပေါင်းရင်းမြစ်များ

Éxodo 16:30

Tsa'caen susi aindeccuja septimo a'tama ño'faya'cho a'tave ñoña'fa.

Isaías 11:10

Banderama jangiansi a'i tsanga boqquia'caen tsu tsequi a'ta va Isaí setsa'cho'su shoyo'cho attiansi poiyi'cco a'i tisenga bo'faya. Nane poi ande'su aindeccu tsu tise've tta'tta'faya. Tise can'jeña'ttija tise a'tatssiai'ccu ñoa'me ñotssiya.

Mateo 1:21

Tsandie du'shuve tsu isuya. Tise aindeccuma tsu tise'pa egae tsincon'cho'ye ccushaeña. Tsa'cansi tisema qui inisian'faya Jesúsve. Jesús qquenda tsu ccushaen'su qquen su.

Titonga 2:14

Tise tsu tisuma afepa pa ingima ccushaeñe osha'cho egae tsincon'cho'ye. Ingima tsu ccushaen cuintsu tise a'ive dapa egae tsincon'chove mecho canse'faye. Ñoa'me ingija tise aindeccupa gi ñotsse tsoña'chove in'jamba canse'fa.

Hebreo'su 11:25

Nane can'jen'choecan'da tsu na'suve dapa osha'cho Egipto'su ñotssia jincho'choma an'biañe'can. Tsa'ma Moisésja asi'ttaen: “Ña aindeccuma catipa re'riccoe tsa'caen can'jen'da egae gi tsincon. Bove ñotssi tsu ñajan Chiga in'jan'cho israendeccui'ccu fae'ngae vanañe.” Nane omboe Cristo'qque a'ima fuiteye a'ive dapa vana. Toya Cristo jimbi'te tsu Moisésja tsa'caen asi'ttaemba qquen in'jan: “Chigaja ñoa'me na'supa inginga ti'tsse ñotsse afeya. Tsa'caen in'jamba gi avujatsse vanaña.”

Hebreo'su 3:11

Tsa'cansi Ñajan tise'pama iyicca'yepa quia'me su: “Tsendeccuja Ñai'ccu ca'ni'faya'bi tsu tsangae opatsse caseye.”

Hebreo'su 4:1

Tsa'ma Chiga Tisei'ccu ca'nimba tsangae opatsse can'jeñe ñoa'me su'cho toya pasambi'te jinge dyoe'sui'ccu Tise've in'jan'faye. Injama'tse, majan que'i'su shacasi israendeccuma se'piqquia'caen Chiga que'ima'qque ca'niñe se'pisa'ne.

Hebreo'su 4:10

Chigaja osha'chove agattoen nanimba opatsse can'jemba dyai. Tsa'cansi ingi'qque Tisenga ca'nimba can'jemba Tisia'caen semañe antte'fa.

Hebreo'su 4:3

Tsa'ma ingija pañamba gi ca'ni'faya Chigai'ccu tsangae opatsse canseye. Nane Chigaja in'jambindeqquiane qquen su: In'jambisi Ñajan tise'pama iyicca'yepa ñoa'me su'choi'ccu su: “Tsendeccuja Ñai'ccu ca'ni'faya'bi tsu tsangae opatsse canseye.” Qquen supa tsu opatsse can'jeña'chone conda. Nane me'ttia'ye andeve agattointe Chigaja tsa'caen antte cuintsu aindeccu ca'ni'faye.

Hebreo'su 4:8

Nane Josuéja tayopi majan israendeccuma Canaán andenga ca'niansi tsendeccuja Chigai'ccu tsangae opatsse canseya'chonga ñoa'me ca'ni'fambi. Ñoa'me tseni Chigai'ccu ca'nimba tsangae opatsse can'jen'fa'choecan'da tsu Chigaja omboe ccase: “Ja'ño a'ta ca'niña'cho” qquen condambiye'can.

1 Pedro 2:10

Que'ija tayoe fae'ngae in'jambipa tisuyi canse'fa. Tsa'ma ja'ñojan Chigambe aindeccuve qui da'fa. Tayoeja ni majañi'qque que'ima mende'yembi. Tsa'ma ja'ñojan Chiga tsu que'ima mende'ye.

Canjaen'cho 14:13

Tsonsi sefacconima gi aya'fama paña qquen su'choma: —Vama tevaenjan: “Poiyi'cco majan Na'suve in'jamba pa'ta ñoa'me tsu tsangae avujatssiya.” Chiga Qquendya'pa'qque tsu su: “Ju, tise'pa ñotsse tson'choma injan'jensi tsu tsa'caen tise'pa sema'bama nanimba tsangae ño'fa'faya.”

Canjaen'cho 21:4

Chigaja jipa aindeccu inanzaccuma ccuchaqquia'caen tsu osha'choma ñotssiave ñoñaña. Nane a'ija pa'faya'bi. Ñombi'ye'faya'bi. I'na'faya'bi. Iña'su'faya'bi. Nane osha'cho tayoe jincho'cho tsu tsangae pasaya.