Hebreo'su 4:3 - Cofán: Chiga Tevaen'jen

³ Tsa'ma ingija pañamba gi ca'ni'faya Chigai'ccu tsangae opatsse canseye. Nane Chigaja in'jambindeqquiane qquen su: In'jambisi Ñajan tise'pama iyicca'yepa ñoa'me su'choi'ccu su: “Tsendeccuja Ñai'ccu ca'ni'faya'bi tsu tsangae opatsse canseye.” Qquen supa tsu opatsse can'jeña'chone conda. Nane me'ttia'ye andeve agattointe Chigaja tsa'caen antte cuintsu aindeccu ca'ni'faye.

Hebreo'su 4:3 ပူးပေါင်းရင်းမြစ်များ

Génesis 1:31

Chigaja osha'choma attepa avujatssi. Cosepa a'tasi sexto a'ta tsu.

Salmos 95:11

Tsa'cansi gi iyicca'yepa qquen tansintsse su: ‘Tsendeccuja ñai'ccu ca'ni'faya'bi tsu tsangae opatsse canseye.’ ”

Éxodo 20:11

Nane Na'su Chigaja seis a'tayi tsu sefacco, ande, mar, osha'cho tsani can'jenqque'suve agattoemba septimo a'taja ño'fa. Tsa'camba tsa Na'su Chigaja tsequi a'tama ño'faya'chove anttepa tisema iñajaña'cho a'tave tson.

Mateo 13:35

Tsa'caen tsu atesian'jen tayopi'su Chiga Aya'fama afa'su qquen suqquia'caen tsoñe: Condase'chongaeyi gi condapa atesiaña. Andema agattointene condambi'choama gi ja'ño condaya.

Mateo 25:34

Tsa'caen attufaemba na'su tsu tise tansinfani ccutsu'chondeccuma suya: “Ña Yaya tsu que'inga ñotsse tson. Ji'faja. Jipa Tise que'imbe ñoña'choma isu'faja. Nane andeve agattointene que'i Tise aindeccuve daya'chove in'jamba ñoña'choma jipa isu'faja.

Efeso'su 1:4

Tayopi andema toya agattoembi'te Chigaja Tise a'ive ingima in'jamba Cristo ingima ccushaeña qquen in'jamba ingima ttu'se. Tsa'caen in'jamba tsu ingima ttu'se cuintsu ño'ame dapa egae tsincon'cho mechoa've Tisenga attian'faye.

Hebreo'su 3:11

Tsa'cansi Ñajan tise'pama iyicca'yepa quia'me su: “Tsendeccuja Ñai'ccu ca'ni'faya'bi tsu tsangae opatsse caseye.”

Hebreo'su 3:14

Tsa'ma me'ttia'ye Cristone pañamba tise've in'jamba canseqquia'caen tsu ja'ño canse'faya'cho. Nane paya'ngae tise've tsa'caen in'jamba canse'faya'cho. Tsa'caen cansepa gi Chiga dutssiyendeccuve dapa Cristoi'ccu fae'ngae jincho'faya.

Hebreo'su 9:26

Tsa'cambiecan'da, ñoa'me tsu tiseja va andeve agattointene pa'ñaccapa vanañe'can tsa'caen poiyi'cco tayopi'su a'i egae tsincon'choma'qque joqquitssiañe. Tsa'ma ingi atesuqquia'caen ja'ño Chiga tayo'su a'i'ccu injancco'fa'cho naningesi Cristoja fae seyi a'ive dapa pa a'i egae tsincon'choma nanitsse tsangae joqquitssiañe.

1 Pedro 1:20

Toya va ande meinte Chigaja in'jan Cristoma tsa'caen tsoñe. Tsa'ma ja'ñoñi osefaeña'cho a'ta napijisi ingima in'jamba tsu tisema attian.