Hebreo'su 3:9 - Cofán: Chiga Tevaen'jen

⁹ Que'i tayopi'su coenzandeccuja tsa'caen a'i menia can'jemba Ñama pañambipa injanga Ñama patsu qquen tsincon'fa. Ñajan cuarenta canqque'fave tise'pama ñotsse tsonsi tsu atte'fa. Atte'ma toya in'jambipa Ñama patsu qquen tsincon'fa.

Hebreo'su 3:9 ပူးပေါင်းရင်းမြစ်များ

Salmos 95:9

Nane que'i tayopi'su coenzandeccuja ña ñotsse tson'choma atte'ma ñama noñangian'fa.

Éxodo 19:4

‘Poiyi'cco qui atte'fa ña egiptondeccunga tson'choma; toya'caen ma'caen ña que'ima va tisu can'jeni i'choma. Nane pindonga ancamba jiqquia'caen qui vani nepi'fa.

Números 14:33

Tsa'cansi que'i dushundeccuja cuarenta canqque'fave ovejama coirasundeccuve dapa que'i poiyi'cco pa'faya'ngae a'i menia canse'faya. Nane tsa'caen tsomba tsu que'i egae tsincon'cho shacama nanitsse afepoen'faya.

Lucas 7:22

Tsa'caen ccushaen'jemba Juanma shondosundeccuma su: —Japa que'i attepa paña'choma Juanga conda'faja. Binindeccu tsu bitta'fa. Ccutsumbindeccu tsu tsui jacan'fa. Na congomba pajisundeccu tsu giya'tsse ccushapa ja'fa. Tsosinambindeccu tsu paña'fa. Nane panjin ccui'chondeccu tsu ccase qquendya'fa. Va'chandeccu'qque tsu Chiga a'ima ccushaeña'chone ñotsse condase'choma paña'fa.

Tson'fa'cho 13:8

Tsa'caen ttu'sesi tsa coraga, Barjesús –tise faesu inise, Elimasja– se'pi, governaror Chiga Aya'fama pañamba in'jansa'ne.

Tson'fa'cho 7:36

Moisésja Egipto andeni sefani'su agattoen'choma, sefani'su canjaen'choma'qque canjan'jen. Cu'a Marni'qque tsa'caen tsomba ingi tayopi'su coenzandeccuma Egipto'ye somboemba ccushaen. Toya'caen tsendeccu cuarenta canqque'fave a'i menia can'jensi Moisésja tsa'caen sefani'su canjaen'choma canjaen.

Deuteronomio 8:2

Ñotsse injan'jen'faja Na'su, que'i Chiga, cuarenta canqque'fave que'ima a'i menia angacan'choma. Nane atesucañe in'jamba que'ima vanaemba opatssia've tson que'i injama'choma atesuye. Ñoa'me tsu atesuye in'jan que'i tise manda'choma paña'chove tsambi'ta pañambi'choa've.

Deuteronomio 8:4

Tise'pa tsa'caen cuarenta canqque'fave a'i menia jacan'fa'ni'qque tise'pa ondiccu'je'cho sarupa tssoruve dambi ni tise'pa tsu'tte'qque ppu'fambi.

Josué 23:3

Que'ija atte'fa pa'cco Na'su Chiga ma'caen que'i'ccu iyiccosundeccunga tson'choma. Nane ñoa'me tsu tiseja que'ima in'jamba que'ine iyicco'su.

Josué 5:6

Nane israendeccu cuarenta canqque'fave a'i menia jacamba poiyi'cco Egiptone sombo'cho tsandiendeccu, sundarove ca'niñe nepi'chondeccuja, tayo pa'fa. Nane tise'pa tayopi'su coenzandeccunga Na'su Chigaja andema afeye su, chocho toya'caen tuño cuñajun'cho'qque shacambitssia andema. Tsa'ma tsendeccu ñotsse pañambisi Na'suja tsendeccuma ñoa'me su'choi'ccu su cuintsu tise afeye su'cho andema attembe'yi pa'faye.