Hebreo'su 2:2 - Cofán: Chiga Tevaen'jen

² Nane Chigama sefacconi'su shondosundeccu tayopi Moisésnga condase'choja ñoa'me su'cho tsu. Tsa'cansi poiyi'cco egae tsinconsundeccu, majan pañambindeqquia'qque shacapapa tsu Chiga suqquia'caen ccushambe'yi vana'jen'fa.

Hebreo'su 2:2 ပူးပေါင်းရင်းမြစ်များ

Salmos 68:17

Quin'an na'su ñoa'me tsain'bio gera caroi'ccu jacanqquia'caen Chigaja Sinaí ccotta'cco'ye sombopa tise aindeccui'ccu cachuicco'je'ttinga jipa ca'ni.

Números 11:33

Tsa'caen taipa tise'pa tsesuma an'jen'ni Na'su Chigaja tise'pama ñoa'me iyicca'yepa tise'pa injama'choma somboensi tsain'bitssi a'i tsequi pa'fa.

Números 16:49

Nane Coréi'ccu aindeccu pa'fasi toya'caen ccaqui tsu faesu catorce mil seteciento a'i tsa'cantsse pa'fa.

Números 21:6

Tsa'caen afase'fasi Na'su Chigaja in'dia iyoma moesi jipa sinttu'fasi tsain'bitssi israendeccu pa'fa.

Números 25:9

Tsa'ma tayo tsu veinte y cuatro mil israendeccu'su pa'fa.

Tson'fa'cho 7:53

Que'ija Chigama sefacconi'su shondosundeccu afasi Chiga manda'choma isu'a'qque toya qui paña'fambi.

Galacia'su 3:19

Tsa'ca'nijan ¿micoñe tsu Chigaja manda'choma afa? Nane Tise tayoe su'cho Dutssi'ye jiya'ngae Chigaja manda'choma'qque afa'je cuintsu a'i atesu'faye tise'pa egae tsincon'choma. Chiga sefacconi'su shondosundeccuja manda'choma Moisésnga afa'fasi Moisésja aindeccunga condase.

Deuteronomio 27:26

Majan va manda'choma chi'gapa tsa'caen tsombi'ninda tsu Chigaja iyicca'yepa tsangae qqueñaña.” Tsonsi poiyi'cco israendeccu tsama pañamba su'fa: “Ju, tsa'can tsu.”

Hebreo'su 1:1

Tayopi Chigaja ccushaya'chone ingi tayopi'su israe'su coenzandeccunga condase'ñacca. Nane Chiga Aya'fama afasundeccuma in'jaensi tsendeccu tsu condase'fa. Cca'i Chiga Aya'fama afasundeccuma'qque ccaningae in'jaensi tsendeccu'qque tsane ti'tsse condase'fa.

Hebreo'su 10:28

Tayoe Moisés Chiga manda'choma a'inga condasesi a'ija manda'choma paña'ma chi'gapa in'jangae tsinconsi tsa egae tsinco'suma fi'tti'fa. A'i tsa'caen egae tsinconsi dos camba afasundeccu, tsambi'ta tres, atesupa condasesi tsu nasundeccuja mende'yembe'yi tsa egae tsincon'suma fi'tti'fa.

Hebreo'su 10:35

Tsa'caen Cristove in'jamba tisema injanga cati'fajama. Ñoa'me tisei'ccu qui bove ñotssiama an'bian'faya.

Hebreo'su 11:6

Nane Chigave in'jambian'da ¿ma'caen tsu Chigaja tisei'ccu avujatssiya? Chigama iñajañe in'jan'da o'tie tsu Tise jincho've in'jamba atesu'faya'cho. A'i Chigave ttatta'je'ninda Chigaja tsendeccuma ñotsse tsoña. Tsama'qque tsu atesuya'cho Chigama iñajañe in'jan'da.

Hebreo'su 12:25

Chiga Jesucristoi'ccu que'inga afa'choma ñotsse paña'faja. Chigaja tayopi'su a'inga Moisési'ccu condasesi paña'ma chi'ga'fa. Tise'pa tsa'caen aqquia a'i'ccu su'choma chi'gapa catiye'nijan ¿ma'caen qui que'ija Jesucristo su'choma chi'ga'ta ccusha'faya?

2 Pedro 1:19

Toya'caen tayopi'su Chiga Aya'fama afasundeccu tevaen'cho Jesúsne tansintsse condasesi tsama'qque ñotsse paña'faja. Nane tuño sinttia'ye a'tatsse chanjunqquia'caen Chiga Aya'faja que'ima in'jaeña. Toya'caen ataje'cho attianqquia'caen Na'su Jesúsja que'i injama'choma chanjiemba in'jaeña.

Judas 1:5

Que'i tayo atesu'fa'ni'qque gi ccase condaya, que'i injan'jeñe. Tayopi Na'suja israendeccuma Egipto ande'ye somboemba ccushaen. Tsa'ma omboe majan tsendeccu'suma fi'tti, tsa Tisema in'jambindeqquiama.