Hebreo'su 1:9 - Cofán: Chiga Tevaen'jen

⁹ Ñotssiaveyi in'jamba qui egama chi'ga. Tsa'cansi Chiga Quitsa, que Chigaja, quema na'suve ccutsiansi qui queja poiyi'cco nasundeccuma ti'tsse avujatssi.

Hebreo'su 1:9 ပူးပေါင်းရင်းမြစ်များ

Salmos 2:2

Poi ande'su nasundeccu tsu ñoña'fa geraeñe. Canqque nasundeccu'qque tsu tayo bo'fa Na'su Chigai'ccu iyiccoye. Tise in'jan'cho na'suma'qque tsu iyicca'ye'fa.

Salmos 2:6

“Tayo gi ña na'suma ttu'sepa Zióni ccutsian, tsa ña ñotssia ccotta'cco'ye, cuintsu mandaye.”

Salmos 23:5

Ñama noñangiansundeccu ñama shoquendi'fasi queja anqque'suma ñoñamba ñanga o'fian. Oveja tsovema yayapai'ccu onjoenqquia'caen qui ñama ccushaen. Ña tasa on'bapa fe'ti'tsse qui ñama cui'ña.

Salmos 40:8

Ña Chiga, que in'janqquia'caen tsoñe gi ñoa'me avujatssi. Ña injama'choni gi que atesian'choma an'bian tsa'caen tsoñe.

Salmos 45:6

¡Que qui Chiga! Tsangae joccapitssia Na'suve dapa qui manda'je. Quiníccopave dapa qui ñotsse tansintsse manda'je.

Salmos 45:7

Ñotssiaveyi in'jamba qui egama chi'ga. Tsa'cansi Chiga Quitsa, que Chigaja, quema aseitei'ccu fetipa na'suve ccutsiansi qui queja poiyi'cco nasundeccuma ti'tsse avujatssi.

Salmos 89:20

¡Attepa gi ttu'se ñama shondo'su Davidma! Ttu'sepa gi ña ñotssia aseitei'ccu tise tsovenga fiñamba na'suve tson.

Salmos 89:26

Tiseja ñama suya: ‘Queja ña yaya. Nane queja ña Chiga, ñama ccushaen'su. Ñama coira'su qui.’

Isaías 61:1

Na'suja tisumbeve ñama ttu'sesi tise Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Nane picco'je'ttima fettasi jaya'chone gi condaseya.

Isaías 61:3

Ñama tsu manda Zión canqque'su ñombi'yesundeccuma cusepa'ye somboemba ño'an otifaccuma afeqquia'caen afeye. Ñama tsu manda ina'jen'choma samboemba ñome'bai'ccu ño'mianqquia'caen avujaeñe. Toya'caen ñama manda oshambipa noñangiañe'suma avujaensi cuintsu settapoen'faye. Tisema tsu “Ta'etssia ñotssia quini'cco” qquen afa'faya. Nane Na'su Chiga tise'pama jonsi tsu tise ñotssiama canjaen'faya.

Lucas 4:18

Chiga Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Ñama manda cuintsu binindeccu atte'faye. Ña gi noñangiañesundeccuma ccushaeña.

Juan 1:41

Tse'faei'ccuyi tise quindya Simónma tta'ttapa attepa su: —Mesíasma gi atte'fa. (Chiga moen'cho Cristo qquen su'cho tise'pa aya'fangae.)

Juan 10:17

Ñajan ccase qquendyaye paya'si tsu ña Yayaja ñama in'jan.

Juan 20:17

Jesúsja su: —Ñama pporo'roembe antteja. Toya gi sefacconi ña Yaya can'jeni jambi. Tsa'ma japa fae'ngae ñame in'jan'chondeccunga condaja: Ñanda gi ña Yaya, que Yayani jaya. Ña Chigani, que Chigani gi jaya.

Juan 3:34

Nane Chigaja Tise Qquendya'pai'ccu se'pimbe'yi Tise moen'cho Jesúsma in'jaensi tsu pa'tssi Chiga Aya'fama afa'je.

Tson'fa'cho 10:38

Toya'caen qui paña'fa ma'caen Chiga Quitsaja Tise Qquendya'pai'ccu Jesús Nasareno'suma in'jaensi tiseja ñotsse tsoñe jacamba poiyi'cco cocoya na'su vanaen'jendeccuma ccushaen. Chiga tisei'ccu can'jensi Jesúsja tsa'caen tson.

Tson'fa'cho 4:26

Poi ande'su nasundeccu tsu ñoña'fa geraeñe. Canqque nasundeccu'qque tsu tayo bo'fa Sefacconi'su na'sui'ccu iyiccoye. Tise in'jan'cho Cristoma'qque tsu iyicca'ye'fa.

Tson'fa'cho 4:27

Ñoa'me tsu va canqqueni Na'su Herodes, Governaror Poncio Pilato'qque, israembindeqquia, israendeccu'qque bopa quembe ño'a Dutssi'ye Jesúsma iyicca'ye'fa.

Romanos 12:9

Afopoembe'yi tisupapora ñotsse injancco'faja. Osha'cho egama chi'gapa osha'cho ñotssiama in'jan'faja.

Romanos 15:13

Chiga ingima in'jaensi gi avujatsse ronda'je'fa. Ñajan in'jan cuintsu Tise tsa'caen que'ima in'jaensi Tise've in'jamba avujatsse opatsse canse'faye. Nane Chiga Qquendya'pa tsa'caen que'ima in'jaen'ninda qui Chigave ti'tsse ro'ndá can'jen'faya.

1 Corinto'su 1:9

Chigaja ño'amba Tise suqquia'caen tsu tsoña. Tise've gi in'jan'faya'cho. Tiseja que'ima ttu'se Tise Dutssi'yei'ccu fae'ngae jincho'faye. Tise Dutssi'yeja ingi Na'su Jesucristo tsu.

2 Corinto'su 11:31

Chiga Quitsa, Na'su Jesucristo Yaya, tsu osha'choma oshacho. Tsangae tsu Tisema ñotsse afa'faya'cho. Tiseja ña afopoembe'yi tansintsse su'choma tsu atesu.

Galacia'su 5:22

Tsa'ma Chiga Qquendya'pa in'jaensi ñotsse canse'faya'cho tsu qquen: Poiyi'cco a'ima ñotsse in'jan'fa; avujatsse canse'fa; opatsse canse'fa; iyicca'yembe'yi ron'daye atesu'fa; faesuma ñotsse tson'fa; faesuma mende'yepa afe'fa; tisu su'choma tsa'caen tson'fa;

Efeso'su 1:3

Ñoa'me'qque ti'tsse'tssia tsu Chiga ingi Na'su, tsa Jesucristo Quitsa. Ingija Cristoi'ccu fae'ngae jincho'fasi Chigaja sefacconi osha'cho tsangae ñotssiave ingimbe tayo ñoña.

Filipo'su 2:9

Tsa'ma Jesucristo ño'ama tsa'caen pasi Chiga Quitsaja Tisema ñoa'me ti'tsse'tssiave tson. Osha'choma joccapitssia inisei'ccu tisema inisian

Hebreo'su 2:11

Nane Jesúsja ingima ccushaemba ño'ame tson'su tsu. Ingija ccushapa ño'ame da'chondeccu gi. Jesucristoi'ccu gi fae yaya'su'fa. Chiga Quitsa ingi yayasi Chiga Dutssi'yeja ansangembi tsu ingima afaye: “Ña quinshingendeccu.”

Hebreo'su 2:9

Manda'je'fambi'a'qque gi in'jan'fa Jesúsma. Nane Jesúsja sefaccone jipa re'riccone Chigama sefacconi'su shondosundeccuma utu'ccoa've dapa paqque'su a'ive da. Chiga a'ima in'jamba mandasi Tiseja poi a'i egae tsincon'choma joqquitssiañe pa. Tsa'caen pasi tsu Tisenga otifaenqquia'caen ñotsse afapa joccapitssia Na'suve tson.

Hebreo'su 7:26

Nane Jesúsyi tsu ingine ñotssia Chigama afa'su na'su. Tiseja Chiga in'janqquia'caen ño'a tsu. Tiseja egae in'jambi ni egae tsincombi. Tsa'camba tsu tiseja ingi egae tsinconsundeccuma ccaninga'o. Toya'caen tiseja joccapitssia've dapa Chigai'ccu sefacconi can'jen.

1 Pedro 1:3

Chigaja, ingi Na'su Jesucristo Quitsa, ñoa'me'qque ti'tsse'tssia. Ingima mende'yepa ñoa'me ñotsse in'jan. Tsa'camba Jesúsma pa'cho'ye qquendyaen ingima cuname isuye. Tsa'caen tsonsi gi Tise dutssiyendeccuve dapa avujatsse ro'ndá canse'fa.

1 Juan 1:3

Tsa'cansi ingi atte'choma, ingi paña'choma gi que'inga tevaen'fa cuintsu que'i'qque ingi'ccu fae'ngae jincho'faye. Nane ingija fae'ngae jincho'fa Chiga Quitsai'ccu, Tise Dutssi'ye Jesucristoi'ccu'qque.

Canjaen'cho 2:15

Toya'caen quei'ccu tsu can'jen'fa nicolaítasundeccu atesian'choma pañasundeccu. Ñajan tise'pa atesian'choma chi'ga.