Génesis 50:24 - Cofán: Chiga Tevaen'jen

²⁴ Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.”

Génesis 50:24 ပူးပေါင်းရင်းမြစ်များ

Génesis 12:7

Abram tseni can'jensi tsu Na'su Chigaja tisenga attiamba su: “Va andema gi que dutssiyendeccunga afeya.” Tsa'caen tisenga attiamba susi Abramjan Na'su Chiganga afeye oque'je'chove tse'ttinga ccutsian.

Génesis 13:15

Quenga gi afeya pa'cco que camba atte'cho andema. Tsangae qui queja, que omba'su dutssiyendeccu'qque va andema an'bian'faya.

Génesis 13:17

Tsa'cansi jangipa pa'cco ande bia'sunga attaja'sunga'qque jacamba canjan ña quenga afe'cho andema.”

Génesis 15:18

Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

Génesis 15:7

Toya'caen tsu Chigaja Abramnga su: —Ña gi Na'su. Quema gi Caldea ande'su Ur canqquene somboemba vani i, va andema quenga afeye que an'biañe.

Génesis 15:8

Tsonsi Abramjan iñajampaña: —Na'su Chiga, ¿ma'caen gi atesuya va andeja ñambeve?

Génesis 17:8

Quenga, toya'caen poiyi'cco tsendeccunga gi pa'cco Canaán andema afeya. Nane que'i ja'ño can'jen'cho andema gi tsangae que'inga afepa tsangae que'i Chigave daya.

Génesis 21:1

Na'su Chiga Abrahamnga suqquia'caen Sarama pporaen cuintsu tise suqquia'caen daye.

Génesis 26:3

Ja'ñojan va andeni can'jenjan. Ñajan quei'ccu can'jemba gi quenga ñotsse tsoña. Nane pa'cco va andema gi quenga toya'caen que dushundeccunga'qque afeya. Tsa'caen gi tsoña que yaya Abrahamnga su'choma naniñe.

Génesis 28:13

Toya'caen tsu atte Na'su Chiga tsai'ccu pporotsse ccutsupa qquen afa'je'choma: “Ña gi Na'su que yaya ccashe'ye Abrahambe Chiga. Toya'caen que yaya Isaacmbe Chiga. Quenga toya'caen que omba'su dushundeccunga gi que ja'ño ccui'cho andema afeya.

Génesis 3:19

Poipa'sui'ccu quian'me semamba qui que cui'ccuma cu'i'faya. Nane papa queve ñoña'cho andeve ccase daya'ngae qui tsa'caen vana'jeña. Nane andema ñoña'chopa qui ccase andeve daya.

Génesis 35:12

Va ande tayo Abraham Isaacnga afe'cho andeveyi gi quenga'qque afeya. Toya'caen gi que omba'su dutssiyendeccunga'qque afeya.”

Génesis 46:4

Quei'ccu fae'ngae gi Egiptoni jaya. Toya'caen ñañi gi que omba'su dushundeccuma tsa ande'ye somboeña. Nane que pa'ni'qque tsu Joséja quei'ccu jinchoya.

Génesis 47:29

Fae a'ta Israelja tise junde paya'choma atesupa tise dutssi'ye Joséma ttusengaye manda. Tise jisi su: —Queja ñoa'metsse ñama ñotsse tsoñe in'jan'da que tivei'ccu ña ttena'go tsosiccufama pporaemba tansintsse su'chove afaja ñoa'me ña iñajan'choma tsoña'chove ña atesuye. Chigáne ña pasi ñama Egiptoni a'tujama.

Génesis 48:21

Omboe Joséma su: —Que canjan, paye gi tson'jen. Tsa'ma Chiga tsu quei'ccu can'jemba toequi que tayopi'su coenzandeccu'ye canse'cho andeni angaya.

Génesis 50:5

‘Ña yayaja tise paya'cho nepiji tsu ñama su cuintsu ñajan ñoa'metsse su'choma afaye tise in'jan'chove tsoñe. Nane tiseja atu'ttima Canaán andeni tayo ñoñamba tseni a'tuyeye in'jansi gi ñoa'metsse su'choi'ccu tsa'caen tsoñe su. Tsa'camba gi iñajan chigáne ñama antteja ña yayama atu'ngaye. Japa mangae a'tu nani'da gi ccase vani jiya.’

Éxodo 12:41

Nane tsa'caen cuatro ciento treinta canqque'fave nepi'cho a'ta tsu poiyi'cco israendeccu tsain'bitsse atapa'chondeccuja Na'su Chiga sundarondeqquia'caen tsa ande'ye sombo'fa.

Éxodo 13:19

Toya'caen Moisésja José'ye tsu'ttama anga. Nane José'ye toya cansuite tsu iñajan cuintsu Israel dutssiyendeccu ñoa'metsse su'choi'ccu tise tsu'ttama tsa'caen angaye su'faya'chove. Tsa'caen iñajamba su: “Ñoa'me gi su, Chiga jipa tsu fuiteya. Tsa'caen ashaensi jayi'ta ña tsu'ttama'qque somboemba anga'faya'cho.”

Éxodo 3:8

Tsa'camba gi vani ande egiptondeccu tson'jen'choma itsapa ccushaeñe. Nane tsa ande'ye gi israendeccuma somboemba ñotssia rande andenga angaya. Tseni tsu chocho toya'caen tuño cuñajun'cho'qque shacaya'bi. Tsa ande tsu cananeo, hitita, amorreo, ferezeo, heveo toya'caen jubuseondeccu canse'cho ande.

Éxodo 33:1

Na'su Chigaja Moisésnga su: —Va'ttie sombopa que Egiptone somboen'cho aindeccui'ccu jaja. Nane ña Abraham, Isaac toya'caen Jacobnga supa tise'pa omba'su dushundeccunga afeye su'cho andeni jaja.

Éxodo 4:31

Tsama pañamba aindeccuja ñotsse in'jan'fa. Na'su Chiga tise'pama injan'jemba tise'pa vana'jen'choma attesi puntssamba Chigama iñajan'fa.

Romanos 5:12

Fae a'i, Adán, egae tsinconsi me'ttia'ye tsu egae tsincon'choja va andeni ashaen. Egae tsincon'cho tsa'caen ashaensi tsu a'i paya'chove'qque ashaen. Tsonsi tsu poiyi'cco a'i pa'fa. Nane poiyi'cco egae tsincomba tsu tsa'caen pa'fa.

Deuteronomio 6:10

Na'su Chigaja que'i tayopisundeccu'yenga, nane Abraham, Isaac toya'caen Jacobnga'qque, andema jai'ngae afeya'chone tansintsse conda. Ja'ño tsu Na'suja que'ima tsa andenga ca'niaña. Ñotssia rande canqque tsu tsa andeni jin, que'i canqquiambi'choa.

Hebreo'su 11:22

José'qque can'jemba coenza ccashe'yeve dapa israendeccu jai'ngae Egipto ande'ye sombo'faya'chone condase. Chigave in'jamba manda cuintsu jai'ngae a'i jayi'ta tise tsu'ttama'qque angapa Canaán andeni a'tu'faye.

Hebreo'su 9:27

Nane poiyi'cco a'i tsu fae seyi pa'faya'cho. Tsa'caen pasi tsu Chigaja Tise'pa canseite tsincon'chone afaya.