Génesis 50:11 - Cofán: Chiga Tevaen'jen

¹¹ Tsa'caen i'na'fa'choma attepa tse'tti'su canjaen'su cananeondeccuja su'fa: “Nane egiptondeccuja tise'pa'su joccapitssia pasi tsa'caen i'namba a'tu'fa.” Tsa'caen supa tse'ttima inisian'fa Abed-mizraim, “Egiptondeccu ñombi'ye'tti” qquen suye. Tse'tti tsu Jordán na'ema chiga sombo'jefa.

Génesis 50:11 ပူးပေါင်းရင်းမြစ်များ

Génesis 13:7

Toya'caen Abram vaurama coirasundeccuja Lot vaurama coirasundeccui'ccu sepiccopa tssetssecco'fa.

Génesis 24:6

Tsonsi Abrahamjan su: —Isha, ¡ña dutssi'yema tseni angajama!

Génesis 34:30

Tsa'caen tson'fasi Jacobja Simeón, Levíma su: —Que'ija tsa'caen tsomba qui tayo ñama daño'fa. Ja'ño tsu va andeni canjensundeccu, tsa cananeondeccu, ferezeondeccu'qque ñama chi'ga'faya. Tsa'caen chi'gapa tisupanaccu bopa ñai'ccu iyiccoye ashaen'faya. Ñajan tsain'bitssi a'ive an'biambisi tsu ñama fi'ttipa poiyi'cco ñai'ccu canjensundeccuma fi'tti'faya.

Génesis 50:10

Jordán na'ema chiga sombo'jefanga Atad trigo ttonoma qquesho'je'ttinga nepipa ñoa'me ñombi'yepa i'nañe ashaen'fa. Nane tse'ttinga tsu Joséja tise yaya pa'chone asi'ttaemba siete a'ta pa'cco ñombi'ye.

Génesis 50:12

Tsa'caen tsu Jacob dutssiyendeccuja pa'cco tise'pa yaya iñajan'choma tson'fa.

Deuteronomio 3:25

Chigáne, antteja ñajan va Jordán na'ema isepa tsa ñotssia andema atteye. In'jan gi tsa ande'su ccotta'ccoma attepa Líbanoma'qque atteye.”

Deuteronomio 3:27

Pisga ccotta'cconga ansunde ccutsupa poifa'su andema canjan. Tsa'ma Jordán na'emajan iseya'bi qui.