Génesis 5:24 - Cofán: Chiga Tevaen'jen

²⁴ Tsa'ma Chiga in'janqquia'caen cansesi Chigaja tisema anga. Nane pambe'yi tsu metsse da.

Génesis 5:24 ပူးပေါင်းရင်းမြစ်များ

Génesis 24:40

Qquen ña iñajampañasi tsu tiseja su: ‘Ñanda gi Na'su Chigave in'jamba canse. Tsa'cansi tise tsu tisema shondo'suma quei'ccu moeña cuintsu quema fuitepa ñotsse angasi queja tseni'su pushesuma ña dutssi'yembe iye ña antiandeccu'suma, nane, ña yaya'ye antiandeccu'suma.

Génesis 37:30

Tsa'caen tsomba tise antiandeccuni jipa qquen su: —Tsa du'shuveja me'i'on tsu. Ja'ñojan, ¿ma'caen gi tsoña?

Génesis 42:36

Tsa'caen dyopa Jacobja su: —Du'shu me'ccoe qui ñama tsonjin'fa. Joséja ingi'ccu can'jembi. Simeón'qque tsa'cañi. ¡Ja'ñonda qui Benjamínma'qque itsaye in'jan'fa! ¡Pa'cco tsa nepi'cho tsu ña vanaña'chove da!

Génesis 5:22

Enocja ñoa'me Chiga in'janqquia'caen canse. Matusalénme isusi Enocja faesu tresciento canqque'fave tsa'caen can'jemba ti'tsse tsu tsandie, pushesu du'shuve an'bian.

Génesis 5:23

Nane Enocja tresciento sesenta y cinco canqque'fave can'jen.

Génesis 5:25

Matusalénjan ciento ochenta y siete canqque'fave an'bian'ni tise dutssi'ye Lamecve isu.

Génesis 6:9

Va tsu Noéne condase'cho: Noéjan ño'an a'isi poiyi'cco tise cansuite'su aindeccu'suma tise'veyi tsu Chigaja in'jan. Nane tiseja Chigama ñotsse pañamba canse.

2 Reyes 2:1

Na'su Chiga Elíasma fingian fentsindaccui'ccu tisu sefacconi angaya'cho a'ta nepisi tsu Elías Eliseoi'ccu fae'ngae Gilgalne sombo'fa.

2 Reyes 2:10

—Re'riccombi tsu que iñajan'cho. Tsa'ma ñama que'ye joqquitssiansi atte'ta qui que iñajan'chove an'biaña. Tsambi'ta an'biaña'bi.

2 Reyes 2:11

Tsa'caen condase nanimba toya condasé jayi'fa. Tse'faei'ccuyi tise'pa enttinge'ye si'nge caro toya'caen si'nge cavayondeccu attiamba Elíasma sefacconi anga'fa fingian fentsindaccui'ccu.

2 Reyes 2:12

Tsama attepa Eliseoja quian'me su: “¡Ña yaya, Ña yaya'can qui! ¡Que qui coira'su sundaro caro, coira'su cavayo sundarondeqquia'can Israelma coira'su!” Tsama attepa ccase Elíasma attembi. Tsomba tse'i Eliseoja tisu ñombi'ye'choma canjaeñe in'jamba tisu ondiccu'jema indipa chitta.

Salmos 49:15

Tsa'ma Chigaja paya'cho'ye ñama ccushaemba ccase qquendyaemba tisei'ccu angaya.

Jeremías 31:15

Na'suja qquen su: “Ramá andene aya'fama paña'fa, i'namba ñombi'yepa ñoa'me fundo'je'choma. Tsata tsu Raquel, tise dushundeccune ñombi'yepa ina'jen. In'jambi tsu tise ina'jen'choma vuiquiya. Nane tsangae tsu tise dushundeccuja pa'fa.”

Mateo 2:18

Ramá andene aya'fama paña'fa, i'namba ñombi'yepa ñoa'me fundo'je'choma. Raquel tsu tise dushundeccune ñombi'yepa ina'jen. In'jambi tsu tise ina'jen'choma vuiquiya. Nane tsangae tsu tise dushundeccuja pa'fa.

Lucas 23:43

Jesúsja tisema su: —Ñoa'me gi su, ja'ño a'ta qui ñai'ccu Chiga ñotssiani can'jeña.

1 Juan 1:7

Tsa'ma Chiga'caen a'tatssiani can'jen'da gi tisupapora fae'ngae jinchopa ñotsse canse'faya. Toya'caen Jesús anjampa tsu ingima ccucha'je osha'cho egae tsincon'cho'ye.

Judas 1:14

Enocja tayopi'su Adán'ttie septimo omba'su dutssi'ye tsu. Chiga tisema in'jaensi Enoc va egae atesiansundeccune qquen conda: “Atte gi Na'su Chiga ñoa'me'qque tsain'bitssia Tisema shondosundeccui'ccu jiña'choma.